檸雞一動麵包雞

Open Now

Now Closed

落咗咁多日雨終於都好天，係時候出大埔搵食，途經見到呢間唔太起眼嘅小店，主打麵包雞，睇落幾有特色，一於買黎同太太今晚撐枱腳。麵包雞每日現烤，唔會隔夜，只係簡單用鹽、糖及秘製雞粉調味，烤全雞要一小時製作，食午餐前order，食完飯去攞就時間啱啱好，新張期間仲有手打檸檬茶送添，天時暑熱邊行邊飲真係份外解渴。烤全雞用餐廳自製保溫袋包裝，拎上手時好墜手，隔住袋都可以聞到陣陣香味，袋面仲有推介幾種食法，相當有心思。返到屋企第一時間開餐，撕開包裝紙後香氣更濃烈，全雞好大隻，食落雞肉好嫩滑，食得出係新鮮雞，烤雞醃得好入味，秘製雞粉更能帶出雞嘅鮮味，沾埋餐廳送嘅辣粉，辣辣地好惹味。外層麵包烤得香脆，吸收晒雞汁後夾雞肉食又係另一番風味。