Video
Read full review
2011-03-25
16 views
12月27日, 今晚越南口癮又起, 要選銅鑼灣最好味又穩定嘅越南菜, 清亭就係不二之選~ 原來我地都喺銅鑼灣食過好多越菜, 次次食完都係話清亭好味d~ 今次唔冒險, 叫番d例牌野先~::: 咖哩牛腩飯 ::: $35清亭嘅咖哩真係好好食, 香味十足, 辣度亦都夠, 如果叫咖哩牛腩煲用煲上會仲香d添~ 雖然望落係比較油咗少少, 但係撈咗落飯度又唔會好油膩, 辣味亦唔會搶咗本身咖哩味~ 其次牛腩好淋, 亦不失牛香, 好入味, 如果多少少肥肉會更好~ 其實如果叫多客法包或者蒜茸多士跟食會仲好味, 不過會好飽…::: 香茅豬扒撈檬 ::: $36香茅豬扒兩大塊, 厚薄適中~ 色水偏白, 唔算太燶, 香茅味道唔算重, 勝在豬味夠香!不過就切得求其咗d… 檬粉配料有青瓜絲、蘿蔔絲、蔥粒同花生, 但就無生菜絲同埋炸蒜粒… 呢個就爭d!檬汁酸甜得宜, 加埋檬粉本身夠爽口, 夾起都唔怕一舊舊~ ::: 牛油雞翼 ::: $38呢度牛油雞翼出咗名大隻, 完全不吝嗇~ 炸出嚟嘅雞翼好特別, 係其他地方都整唔出嘅味道~ 牛油味濃, 蒜香味足, 入口味道依舊非常豐富, 仲可以加青檸汁同鹽吊一吊味~ 必叫之選!今
::: 咖哩牛腩飯 ::: $35
清亭嘅咖哩真係好好食, 香味十足, 辣度亦都夠, 如果叫咖哩牛腩煲用煲上會仲香d添~ 雖然望落係比較油咗少少, 但係撈咗落飯度又唔會好油膩, 辣味亦唔會搶咗本身咖哩味~ 其次牛腩好淋, 亦不失牛香, 好入味, 如果多少少肥肉會更好~ 其實如果叫多客法包或者蒜茸多士跟食會仲好味, 不過會好飽…
::: 香茅豬扒撈檬 ::: $36
香茅豬扒兩大塊, 厚薄適中~ 色水偏白, 唔算太燶, 香茅味道唔算重, 勝在豬味夠香!不過就切得求其咗d… 檬粉配料有青瓜絲、蘿蔔絲、蔥粒同花生, 但就無生菜絲同埋炸蒜粒… 呢個就爭d!檬汁酸甜得宜, 加埋檬粉本身夠爽口, 夾起都唔怕一舊舊~
::: 牛油雞翼 ::: $38
呢度牛油雞翼出咗名大隻, 完全不吝嗇~ 炸出嚟嘅雞翼好特別, 係其他地方都整唔出嘅味道~ 牛油味濃, 蒜香味足, 入口味道依舊非常豐富, 仲可以加青檸汁同鹽吊一吊味~ 必叫之選!
今次就保持到水準, 可能我地都係叫番d例牌野~ 又可能平日關係, 人流唔算多, 冇人等位, 我地可以慢慢食~
Post
