一品雞煲火鍋

Open Now

Now Closed

女朋友好中意食雞煲，次次都會帶佢嚟呢間一品雞煲食。餐廳佔全層，所以卡位很多，仲有不少大枱俾一大班人食飯。我地每次都會叫秘製雞煲小辣，同一定會叫白飯一齊食，因為佢雞煲個汁真係好正，又麻又辣仲要甜甜哋，至少可以撈到兩碗飯。食完雞就可以加湯打邊爐，今次就叫左雪花肥牛、羊肉片、萵筍、鮮淮山、韮菜拼魚皮餃同埋桂花蚌。雪花肥牛好有牛肉味，當然偏肥，厚薄適中，下次會叫埋手切肥牛。羊肉片羶味都幾濃，如果中意食其實都唔錯既。蒿筍好吸味，放入湯淥耐D，淋D好食D。鮮淮山又係吸味既食物，想食爽嘅就唔好淥太耐，唔係食落就粉粉地。桂花蚌鮮甜，配埋呢個雞煲湯底食一流呀