手作功夫茶 (啟賢樓)

Open Now

Now Closed

越嚟越鍾意飲珍珠奶茶，最近成日work from home，困喺屋企悶悶地，好彩屋企樓下就開咗呢間手作功夫茶。呢間茶飲連鎖店主打街坊區域，價錢比較大眾化，食物質素都唔錯，選擇都好豐富，除咗有珍珠奶茶，仲有水果茶、芝士奶蓋系列等等。店內仲特別展示幾款做佢哋嘅精選主打推介。左邊係芝士奶蓋鐵觀音，右邊係38奶覇。佢哋嘅芝士奶蓋配上唔同茶底味道都唔錯。而38奶覇更係佢哋嘅招牌飲品，入面除咗有黑糖煮過嘅珍珠，仲有蒟蒻同仙草，口感特別豐富，奶茶香滑，絕對推介。黑糖波覇鮮奶嘅珍珠份量豐富，比例完美，不過佢係屬於中杯限定，個人始終認為38奶霸性價比最高。