Video
Read full review
2023-02-05
56 views
2023年1月19日 星期四終於返多幾日工就到新年，可以好好地休息放下假，老婆仲特登預約左餐廳今晚帶我去食添原來餐廳位於銅鑼灣，一搭lift上到去就好似置身於劇院咁樣，裝修好有特色，感覺似係百老匯嘅劇院咁入到去真係嘩咗一聲出黎，冇諗過一間餐廳可以裝修到好似劇場咁，中間有個好大嘅舞台，燈光同音響都好專業，十分有氣氛，店員仲話原來每晚7點半開始都會有唔同主題嘅表演項目，叫我地好好期待一下之後店員再俾左一張宣傳單張我哋，話2月14日晚上開始仲會有由詹瑞文監製同主演嘅舞台劇演出，係香港第一個5D沉浸式歌舞美食劇場，到時舞蹈員同演員會喺觀眾席之間表演，聽落好吸引咁，因為從來冇諗過香港可以一邊食飯一邊觀賞舞台劇，仲要咁近距離添，再睇一睇單張上面寫嘅價錢，大約每人$1680，可以有齊味覺、視覺、聽覺既感受，紅館演唱會都未必做得到，搞到我都想心思思預約睇吓係咩嚟好快我哋就點左餐，飲品等左幾分鐘就送到黎先，係la catrina moscato，屬於意大利嘅氣泡酒之一，我哋每人一杯，平時老婆都比較少飲酒，因為唔鍾意太搶喉同難入口，反而呢一款佢接受到，可能易入口，而且甜甜哋，飲完都唔會覺得好快醉之後有食物
原來餐廳位於銅鑼灣，一搭lift上到去就好似置身於劇院咁樣，裝修好有特色，感覺似係百老匯嘅劇院咁
入到去真係嘩咗一聲出黎，冇諗過一間餐廳可以裝修到好似劇場咁，中間有個好大嘅舞台，燈光同音響都好專業，十分有氣氛，店員仲話原來每晚7點半開始都會有唔同主題嘅表演項目，叫我地好好期待一下
之後店員再俾左一張宣傳單張我哋，話2月14日晚上開始仲會有由詹瑞文監製同主演嘅舞台劇演出，係香港第一個5D沉浸式歌舞美食劇場，到時舞蹈員同演員會喺觀眾席之間表演，聽落好吸引咁，因為從來冇諗過香港可以一邊食飯一邊觀賞舞台劇，仲要咁近距離添，再睇一睇單張上面寫嘅價錢，大約每人$1680，可以有齊味覺、視覺、聽覺既感受，紅館演唱會都未必做得到，搞到我都想心思思預約睇吓係咩嚟
好快我哋就點左餐，飲品等左幾分鐘就送到黎先，係la catrina moscato，屬於意大利嘅氣泡酒之一，我哋每人一杯，平時老婆都比較少飲酒，因為唔鍾意太搶喉同難入口，反而呢一款佢接受到，可能易入口，而且甜甜哋，飲完都唔會覺得好快醉
之後有食物陸續送出，呢一個係法國藍青口，上面有幾塊脆卜卜既脆麵包，醬汁幾濃郁，用脆麵包點黎食就岩晒，青口煮得岩岩好，全部都離晒殻，配清酒蒜片一齊食有少少辣，幾惹味
呢個時候舞台既表演就準備開始，呢一晚係音樂之夜，請左嘉賓黎唱唔同語言嘅歌曲，仲可以點歌添，音樂同聲量都好高質，聽出耳油
然後有厚燒豆腐，上面加咗木魚同花瓣，賣相唔錯，而且豆腐一咬落去熱辣辣，d煙飄晒出嚟，外皮脆口而裡面仲係嫩滑，相信好考廚師嘅功夫
呢一個係免治雞肉棒，店員提議可以撈勻生雞蛋同醬汁先，食嘅時候再點醬汁一齊食，所以味道好豐富，生雞蛋令到醬汁冇咁鹹，同免治雞肉好夾，可惜得一條，我哋兩個好快就食晒
再嚟有鹽燒雞頸肉同燒鹿兒島和牛串，燒得好香，唔需要點醬汁都已經好夠味，和牛好腍又多肉汁，上面加少少青檸汁再食感覺會冇咁油膩，雞頸肉有咬口，一d都唔韌之後有烤大蝦柚子沙律，大蝦俾柚子包圍住，蝦肉好彈牙又多大隻，加埋柚子一齊食，酸酸地幾開胃
黎到主菜，有慢煮烤西班牙乳豬配法色熱情果醬，係餐廳推介菜式，店員話乳豬用咗12小時慢烤，所以做到外脆內軟，脂肪同肉嘅比例好平均，一切就斷開，食落去入口即融，配埋熱情果醬一齊食，感覺會冇咁膩，而且伴碟仲有燒菠蘿，菠蘿外層仲有焦糖，酸酸甜甜可以解膩
另一個主菜就係冬陰功意粉，冇諗過冬陰功可以用來整意粉，味道幾特別，唔算太辣，有泰國風味，而且意粉好彈牙，仲有兩隻大蝦都入晒味
最後有甜品拼盤，分別有朱古力、蕨餅同團子，唔算太甜又可以清一清味蕾，為呢一餐作一個完美嘅總結
Post
