Video
Read full review
2025-02-18
292 views
香港，而家有梅酒主題嘅酒吧了。The CHOYA Ginza BAR呢間係日本嚟嘅過江龍，喺銅鑼灣利舞臺開咗梅酒專門店。我對梅酒嘅認識有限，不過都知道梅酒比其他酒類更千變萬化。可以就咁Age，亦可以溝綠茶威士忌白蘭地，亦可以加好多古怪嘢落去。梅酒本身甜酸兼備，冷熱皆宜，本來已經係男女都會鍾意飲，好易入口，但喺Choya度飲仲有個好處，價錢非常合理(甚至係平)…品鑒套裝The Choya Flight $128一套五杯，視覺上夠晒氣勢嘅set裝，原來只係賣$128，實在太誇張，呢個價錢出去飲一杯酒就差唔多。五杯梅酒入邊，包括有age 1年、3年、白蘭地、新鮮水果同綠茶版本。每一種都有佢嘅特色。例如三年期嘅木桶味比較重，綠茶蛋好明顯就着重喺香氣上。雙氣 $88外表似係汽水，實際上亦非常可口。大致上係梅酒加tonic同糖漿造成。未試過梅酒嘅話，佢係入門又爽口嘅選擇，最重要係解渴！金穗 $88用上乳酪製造，充滿芝士香味，用上木盒底子，優雅無比。梅煙香 $108呢度嘅隱藏秘技。梅酒注入大量smoke再加上雪梨酒混合而成。可以想像無論香氣同入口都係相當重身。特別係香氣越擺越有，相當高級。雖然呢度梅
The CHOYA Ginza BAR
呢間係日本嚟嘅過江龍，喺銅鑼灣利舞臺開咗梅酒專門店。我對梅酒嘅認識有限，不過都知道梅酒比其他酒類更千變萬化。可以就咁Age，亦可以溝綠茶威士忌白蘭地，亦可以加好多古怪嘢落去。
梅酒本身甜酸兼備，冷熱皆宜，本來已經係男女都會鍾意飲，好易入口，但喺Choya度飲仲有個好處，價錢非常合理(甚至係平)…
品鑒套裝The Choya Flight $128
一套五杯，視覺上夠晒氣勢嘅set裝，原來只係賣$128，實在太誇張，呢個價錢出去飲一杯酒就差唔多。五杯梅酒入邊，包括有age 1年、3年、白蘭地、新鮮水果同綠茶版本。每一種都有佢嘅特色。例如三年期嘅木桶味比較重，綠茶蛋好明顯就着重喺香氣上。
雙氣 $88
外表似係汽水，實際上亦非常可口。大致上係梅酒加tonic同糖漿造成。未試過梅酒嘅話，佢係入門又爽口嘅選擇，最重要係解渴！
金穗 $88
用上乳酪製造，充滿芝士香味，用上木盒底子，優雅無比。
梅煙香 $108
呢度嘅隱藏秘技。梅酒注入大量smoke再加上雪梨酒混合而成。可以想像無論香氣同入口都係相當重身。特別係香氣越擺越有，相當高級。
雖然呢度梅酒好出色，不過…原來呢度嘅嘢食先係殺著。同好多酒吧唔同，呢度嘅熱食真係有餐廳水平。最重要係佢嘅價錢冇因為酒吧而故意上調，就算就咁食嘢都唔會覺得肉赤。
我特別欣賞佢嘅”燒肉配薯條”，佢嘅燒肉係帶有超級脆皮，食落非常香口夠味。另外一個印象深刻嘅係”辣肉丸”，份量多，夠味，襯甜甜嘅梅酒亦非常好。另外佢嘅薯仔牛肉粒，牛肉非常嫩口，直程可以同中菜廳相提並論。至於”日式脆餅配梅子奶油乳酪，就酸酸甜甜，做甜品都得。
呢度有房間位、酒吧位，亦有普通餐廳位，適合唔同需要嘅客人。個人認為，佢嘅梅酒的確好飲又抵買。而家嚟幫襯，仲可以以難以置信嘅半價價錢外賣佢嘅梅酒。舉個例，一支1 year梅酒，720ml，只需$69，實在太誇張。
Post
