十三少 (Closed)

香口荷葉蟹飯及大大兜惹味酸菜魚～～～好耐冇食酸菜魚，心血來潮突然間想食，收工就即刻去！～～～呢間餐廳嘅酸菜魚一向深得我歡心，魚肉鮮彈，唔容易夾散。材料非常入味，而且裡面有菇，出面冇咩邊間酸菜魚有加菇，所以令到佢哋有獨特嘅菇香係裡面。花椒惹味，加上鹹香酸菜，好下飯。～～～涼拌土豆絲就好爽脆，辣油夠味又唔會太過量令土豆🥔太油膩，平衡得幾好。～～～見到佢地出左13少蒜香荷葉蟹飯，未食過就叫黎試吓。荷葉令米粒好香，加上濃郁蟹膏同蟹香，令人不自覺一啖接一啖，迅速就消滅曬啲飯。～～～十三少 西環堅尼地城山市街10-14號山市樓地下1-3號舖人均：$180