聯華茶餐廳

Open Now

Now Closed

舊式嘅店面，隱藏於西環嘅某街道中。路過可能真係唔會特別留意，就好似我咁，嚮附近讀咗兩年書都未嚟過。六點幾鐘嚟到，裡面嘅伙記哥哥非常有霸氣同埋有效率，佢嘅霸氣並唔係澳牛果種串同惡，而係“呢度我地頭，有乜等我搞掂，你坐低等食就得㗎喇”嘅果種，非常客氣同有禮。跟焗豬扒飯有例湯，同時叫咗杯奶茶。焗豬扒飯需等候大約十五分鐘，非常大碟！飯香醬甜，非常惹味。豬扒先炸後焗，有少少骨，肉質極佳，唔會韌。皮極薄，炸得脆，加上焗嘅過程，變成軟性嘅鬆脆，口感極佳。雖然有成兩碗飯嘅份量，轉個頭已經食得一乾二淨。大推焗豬扒飯，而且就我觀察其他熟客所叫嘅嘢，其他茶餐廳食物都應該做得唔錯。絕對值得一試。