砂煲兄弟 (東港城) (Closed)

海底椰子燉雞腳湯海底椰有去痰止咳功效，雞腳有豐富骨膠原，這是個清潤的燉湯，雞腳燉的好唸，海底椰的量也不少，湯味道清甜可口。牛油蒜蓉焗蜆用煲仔煮蜆以前都食過，但係牛油蒜蓉焗就真係未試過，煲仔焗已經好香，加上牛油同蒜蓉，香氣滿瀉，蜆新鮮而且多肉和飽滿，食落好多汁好正。慢煮火焰牛仔柳上台時視覺效果已經好驚艷，店員隨後在煲仔和底碟間點火，火焰包圍煲仔，煲仔內發出吱吱聲，慢煮牛仔柳上台時約3成熟，再經慢火細煮成5成熟左右，食落啱啱好，如果唔想太生的朋友可以等多陣，或將牛肉置於鍋底，好快就夠熟了。牛柳嫩滑夠肉味，鍋底有大量青紅椒和洋蔥，夾埋一齊食更加提升香味，用黎送飯相當唔錯。