柴石燒 (Closed)

難得去到將軍澳，決定去早前告急嘅黃色foodcourt度支持一下，第一次去唔熟路，兜咗一大個圈先搵到。一入去煙霧瀰漫，目測有近半人都係食石燒，被香氣迷惑，唔執輸食埋一份。紐西蘭肉眼扒定食 $88基本上一叫完都未行到埋位個傳呼器就已經響，牛扒嚟到嘅時候只係輕輕煎封過表面，有一定厚度，食落軟腍又有肉味，配埋湯、沙律同飯，依個價錢嚟講好抵食。Food court個抽風設備一般，食完個身會有少少燒烤嘅味道，如果可以改善一下就好了！