路邊煱 (Closed)

在太子道辦完事，原來已經9點幾，老友話一齊食啲野，車咗我去土瓜灣路邊煱，唔係我去過嗰間，原來呢條街開多咗間新啲，睇睇餐牌，食啲野一樣，兩個人點鍋，叫咗香口小吃，啤一啤算了。介紹大家食椒鹽魷魚鬚，炸得好香，咬落酥脆，魷魚又軟，有椒鹽香，送啤酒一流。另一樣心水係墨釀油炸鬼，墨魚肉夠膠，油炸鬼炸得夠火喉，加上蟹子咬落有脆爆感，又係可以送酒。仲食咗避風塘茄子丶蜆芥鯪魚球，都係香口野味的貨式，手機無電無得先食。今晚香口小食配啤酒，都幾爽！