新記芝士麵 (Closed)

神秘嘅香檳大廈位於尖沙咀，係當年風靡一時嘅新型大廈，最風光係當年五顏六色嘅夜總會同鳳姐生意外，仲擁有一間比較有體面嘅酒店，鐘錶舖集中地。香檳大廈裏頭有一間已經存在已久，裝修風貌仍留在二十年前比較舊式嘅裝修，如回到中小學年代。而新記出名嘅係芝士麵(一時唔記得佢都出名豬頸肉)叫咗個鮮牛肉芝士麵。.鮮牛肉芝士撈麵評分：🌟🌟🌟🌟芝士撈麵嘅首創者做出嚟嘅芝士撈麵一啲都唔失禮，滿滿溶化咗嘅芝士足夠包住每一條麵條，入口味道適中，另外配菜鮮牛肉一啲都唔韌而且都幾食到佢係鮮牛肉，份量亦唔錯。