花園餐廳 (西洋菜南街)

Open Now

Now Closed

食物淡如無味，炸物全脫皮，令食慾大減！由於有薯菜，於是要了支茄汁，點知樽茄汁一扭蓋就好似開香檳咁噴射，搞到友人全身都係茄汁！餐廳職員見狀，起初都無反應，後來才推個小職員勁講唔好意思！拎幾張紙巾嚟俾友人抹，但。。。茄汁囉，點就咁抹？要叫佢攞杯水嚟先攞！我問係咪本身知道樽茄汁會爆？佢就答公司落左order攞茄汁俾客人係要幫客人開埋，我話頭先拎嚟嗰個人無咁做喎，佢又問我認唔認得係邊個人攞嚟？我話佢放低就走左，我睇唔到，然後指住個cctv，話你地有鏡頭架嘛，你地去睇啦！個小職員音都震晒話我地做細嘅睇唔到，都唔知邊度睇？我話咁你叫個睇到嘅人去睇囉！佢竟然笑笑口就走左！隔一陣又再攞多幾張餐紙嚟！我真心覺得勁唔環保，但無辦法，真係全身勁多茄汁，連頭髮、褲都係，地下都有，地下就唔算多，但職員無諗過要清潔！都係我地提出先去攞地拖，拖完仲提醒我起身時地下好濕，我一望，真係勁濕，幾乎可照鏡，我已經隔左一陣先影相！總之，呢次係第二次係花園餐廳食得咁唔開心！一句到尾，我。唔。會。再。想。幫。襯。花。園。餐。廳！最後俾左個八折我地！但。。。真心覺得都無補於事！完！