金船長餐廳 (Closed)

早排約左班同事一齊食飯, 我地收工過去都唔算太多人, 同埋有book枱嘅關係就直接入左去。入面嘅裝修都唔錯, 幾闊落。黑松露菌醬意式馬斯卡普芝士夾心比薩(9吋) ($168)一坐低就叫左呢個推介嘅黑松露pizza。 上枱時已經聞到好香pancake味, 講真與其話佢是pizza, 我覺得更加似pancake哈哈! 正如個名咁講, 佢是上下兩件餅夾住芝士同黑松露, 另外仲有芽菜苗同埋淡淡嘅提子汁可以中和番芝士嘅油膩感同松露嘅味道。 一句講晒, 一定要試!美式燒豬肋骨配BBQ汁+1.5安士法國鵝肝 ($158+$48)呢份豬肋骨燒得唔錯, 唔乾身, 而且大大份, 足足有十條骨! 都算幾抵食! 不過鵝肝就爭左少少, 賣相同口感都一般。