坤記牛腩 (Closed)

復活節長假又係同屋企人四周圍食嘢嘅好時機！早一排睇報紙好似見到周潤發黎呢一間食坑腩河！見到又有一間平民食肆梗係要來試吓啦！響旺角坐小巴嚟到九龍城街市落車，隔一條街就到！呢度價錢中位。一心諗住黎食坑腩河，點知三點已經賣晒！冇坑腩就食普通牛腩！一樣好食！牛腩好淋好入味！老人家都食到！湯底好清甜，一啲都唔油膩！令到個伊面都好好食，唔太林又有𡁻口。上面加上一啲蔥花就更加香！另外叫多一份腩汁菜心，腩汁依然好香，菜心又淋又甜！值得一提係呢度俾人感覺好乾淨企理！筷子同匙羹插響筷子左入邊都仲係熱嘅！非常好！