川之味麻辣米線 (Closed)

話說我非常歡喜麻辣米線 每星期都要食返餐先安落 其實除左譚仔 雲桂香之外 仲有好多好味米線在民間 川之味係我由細食到大 見證住佢由無乜人幫襯幾點都會送外賣 到依家忙到電話都唔聽仲成日落閘放假嘅超好味米線之一行到街口一定已經聞到佢陣麻辣味 佢湯底係四川嗰隻辣 辣多過麻 配餸推介：雞翼 豆卜 蘿蔔 豬軟骨 炸醬(記得嗌分開上) 炸魚皮其中雞翼係我最愛 跟米線有3隻 分開嗌一碟3/6隻又得 可揀香草🌿/麻辣🔥/雙併 係必點之選!!!溫馨提示：佢真係堅辣架 平時譚仔中辣嘅我都係揀4小辣(同譚仔相反 佢係1小辣最細 10小辣最辣 當然仲有中辣 大辣 唔怕變潤腸可以一試🤣) 所以要小心揀辣度呀