時新漢堡飽 (Closed)

讀書時期成日都會幫襯時新紅磡舊舖，佢喺黃埔重開之後第一次食返，再回味下港式漢堡包獨有嘅味道～手打漢堡扒咬落好juicy；芝士雖然冇西式漢堡半溶嘅效果，但加埋煎蛋同漢堡包都好夾；時新醬係包嘅靈魂，秘製沙律醬味道好突出，不過醬汁太多有少少蓋過咗漢堡扒嘅肉味。生炸雞髀都係必點嘅，賣相色澤幾靚，雞皮香脆，雞髀厚肉多肉汁，調味亦恰到好處。炸薯條係傳統茶記波浪薯條，薯條偏硬身唔夠酥脆，略欠調味，加番啲胡椒鹽點茄汁食就冇咁寡。