媽咪雞蛋仔 (Closed)

雞蛋仔絕對係香港人嘅Comfort food之一,夠晒經典,係香港人都一定食過。口味亦都越來越多變化,令人永遠都唔會食厭,我最鍾意食粒粒朱古力味,依家味道仲越嚟越創新,仲加埋牛油果添,增加左creamy嘅口感。另外不得不提就係黃金口味,追上潮流,外脆內軟,仲有滿滿嘅鹹香鹹蛋黃。依家仲有飲品㖭,作為抹茶控嘅我,當然就揀咗人氣No.1嘅宇治抹茶牛乳豆花。用咗宇治小三園嘅抹茶而製,抹茶清香突出配上嫩滑豆花,完全perfect match。另一杯選擇咗人氣No.2嘅港式奶茶豆花,完全係港式味道,香港人一定鐘意。