台灣郎 (Closed)

台灣係香港人既後花園，台灣野食更係香港人眼中既美食，所以朋友約食飯，即刻提議試下天后台灣郎。店內佈置以木為主，有啲台南風味。點下滷水拼盤試下味先。大腸夠肥，雞蛋同雞翼夠入味，豆卜比較咸。另外點左個五香雞卷，身一次食，感覺好特別，炸到好香，內面有少少似魚味加豬肉感覺，仲有馬蹄好爽，口感係香脆得來好爽。唔少得叫魯肉飯加一個香菇肉羹。魯肉好有心切到好細粒，選用五花肉，帶小小肥，經過爆香後，唔覺得油膩，同飯搞均好開胃，好好味。肉羹帶有香菇味，故名思義，湯比較「結」，將肉味鎖住，肉汁多而肉唔鞋，配飯一流。紅燒牛肉麵一上枱已被濃濃牛肉味吸引左，有4大塊牛𦟌加紅白蘿蔔各4塊，好足料。牛肉經過燉煮之後，好入味同埋好淋，選用牛𦟌，令牛肉更有𡁻頭，而紅白蘿蔔更加吸收左牛肉汁精華，香甜可口，配上彈牙粗麵，簡直人間美食，連湯都好濃郁牛肉味，忍唔住飲左大半碗。