小欖燒烤樂園 (Closed)

又要有車位泊，又要近巴士站，地方又要大，娛樂設施又要足夠，食物質素又要高，位於屯門小欖燒烤樂園就比到所有你。當時入去5:00到，人唔算太多，所以可以先燒一轉先，再等埋其他朋友。食物方便其實肉類，蔬菜都非常足夠，款式又多，我就最鍾意佢哋嘅土匪雞翼同埋麻辣雞翼。麻辣雞翼好香口，奄得非常之入味，雞中翼size啱啱好，燒到外脆入邊仲有好多汁。入場費包括一包冇酒精飲品，同一支水可以去小食部到拿。叉燒粒亦都係我食過最好食嘅，肉質鮮甜，叉燒醬非常入味，仲要啖啖肉燒得好香口。食咁多肉食下啲蔬菜類，牛油粟米每次我燒嘢食都非常鍾意，亦都係小朋友最愛，燒到咁上下落大量牛油，令到成個粟米非常甜。除咗燒嘢食娛樂設施都好豐富，有一個大球場，有好多夾公仔機，可以令到小朋友唔使咁悶。今次已經唔係第一次嚟，比百零蚊可以玩到成日，老少咸宜，所以每年我哋都決定會來一兩次。