鮨匠 (Under Renovation)

喺香港仔中心新開咗一間日本居酒屋「鮨匠」。入面環境明亮，座位寬敞，坐得好舒服。而且仲有提供沙律菜自行夾取。麵豉湯：湯嘅味道剛好，唔會太咸，而入面仲有蜆，為湯多添一份鮮味。芝麻雞翼：雞翼炸得好香脆，入面仲有滿滿嘅肉汁，雞肉保持嫩滑，而外皮灑上芝麻，令雞翼有陣陣芝麻嘅香味。咖喱吉列豬扒定食：豬扒嘅炸衣夠薄夠脆，而豬扒仍然保留大量嘅肉汁。勁juicy，蘸埋佢呢個秘製嘅日式咖喱汁，夠哂惹味，配埋白飯就一流。蒲燒鰻魚飯：鰻魚用咗蒲燒方法處理，加咗特製嘅蒲燒汁，香甜無比，可以帶出鰻魚嘅鮮甜味。雜錦刺身：呢個刺身有好多款不同嘅魚，有三文魚、北寄貝、帆立貝、希靈魚等，款款都好新鮮，尤其係帆立貝，肉質細嫩，鮮甜無比，令人一食上癮。