駟馬拖車潮汕飯店

Open Now

Now Closed

去了香港仔駟馬拖車潮汕飯店食飯，環境夠大夠闊落，店員有禮，感覺乾淨舒服。XO醬翡翠蝦球帶子呢道菜色澤鮮艷，蝦球彈牙，咬落去有肉質緊緊的感覺。XO醬嘅惹味十足，帶子嘅滑嫩同蝦球嘅彈性形成好好嘅對比，口感層次分明，分量夠多。跟住係椒鹽九肚魚，炸到外脆內嫩，椒鹽嘅香味好濃香，咬落去夠熱新鮮即整，仲有一陣陣香香嘅味道，配合魚肉嘅鮮甜，口感非常豐富。魚皮炸得金黃酥脆。瑤柱蛋白炒飯色澤金黃，粒粒分明，瑤柱嘅鮮味配埋蛋白，口感輕盈而滑順。飯粒吸收咗瑤柱嘅精華，仲有啲香蔥嘅清香，食落去好舒服，完全唔會油膩，係一碗精緻嘅炒飯。至於蠔油北菇鵝掌煲呢個煲仔好暖心，北菇嘅香味同鵝掌的豐腴在口中交融。蠔油的甜味同鹹味恰到好處，令到整個煲仔都充滿咗濃郁嘅味道，鵝掌軟滑，咬落去有啲彈性，真係好適合同飯一齊食。