駟馬拖車潮汕飯店

Open Now

Now Closed

Happy Friday食午餐一定要食好啲，同幾位同事一行7人一齊去飲茶，香港仔酒樓都唔算少，但好食真係唔算多，今日就諗住試下呢間潮州式酒樓，睇吓會唔會好食過同區其他嗰幾間，食完之後，個個同事都大讚好食。除咗潮州嘢，仲有啲粵式點心，咁我哋就total叫咗十樣嘢，最後都食剩少少。食咗咁多道菜，真係幾乎每碟都咁好食，連個前菜酸菜同事都話好味，唯獨是個蛋散，一啲都唔脆，完全唔好食，最後都無人願意清埋佢，由佢食剩。去親潮式餐廳，糖醋麵就一定要試啦，煎得唔錯，幾位同事第一次食都大讚好味想encore。蝦多士同蝦春卷有啲似，都係炸得好香口，叉燒腸都皮薄餡靚，係水晶包有啲腬，最後埋單每人都係八十幾。食完一次，個個大讚，以後午餐如果同同事飲茶，駟馬拖車一定會係首選，下次過嚟試埋啲滷水嘢先。