Video
Read full review
2024-01-22
108 views
因為有朋友新居入伙嘅關係，所以今日嚟到香港仔搵食😝，大家都鍾意食放題，所以就去咗附近新開張嘅香港仔中心五期地下見到有一間日式放題店，二話不說入去試吓。啱啱新開張間放題店已經座無虛席，我哋要等到第二輪8:30先入到去🍲，收費係$268加一服務費（任飲任食兩小時），🥟星期五六日及公眾假期加多$10。食物嘅選擇好多：🍣有刺身、特色卷物、軍艦、前菜、和風料理、一品料理、鐵板爐端燒、炸物、雪糕等等。🍱先講吓生野，以$268呢個價錢嚟講，居然可以食到阿根廷赤蝦，餐廳仲要幫啲蝦挑埋腸，可以話係物超所值。除咗阿根廷赤蝦之外，仲有挪威三文魚、帶子、鮑片等等全部都好新鮮。🍣壽司方面，我就叫咗黑松露劍魚腩同埋蟹膏珍寶赤蝦，壽司嘅溫度同埋新鮮嘅程度恰到好處，美味嘅程度超出我預期。最推薦，蟹膏珍寶赤蝦壽司😍🦪🍗🐮如果唔鍾意食生嘢嘅朋友呢度嘅熟食亦都好多選擇，有蒜蓉蒸帆立貝、和風焗廣島蠔、芝麻雞翼、茶碗蒸、燒羊架、燒牛仔骨等等。當中最推介嘅係芝麻雞翼同埋金菇肥牛卷。芝麻雞翼唔單止香脆，而且好惹味；金菇肥牛卷新鮮燒出嚟香濃嘅牛肉味包住金菇，唔會燒到好乾又多汁，好食！由於餐廳新開張，所以比較多人，但係服務都算到位，見
啱啱新開張間放題店已經座無虛席，我哋要等到第二輪8:30先入到去🍲，收費係$268加一服務費（任飲任食兩小時），🥟星期五六日及公眾假期加多$10。
食物嘅選擇好多：🍣有刺身、特色卷物、軍艦、前菜、和風料理、一品料理、鐵板爐端燒、炸物、雪糕等等。
🍱先講吓生野，以$268呢個價錢嚟講，居然可以食到阿根廷赤蝦，餐廳仲要幫啲蝦挑埋腸，可以話係物超所值。除咗阿根廷赤蝦之外，仲有挪威三文魚、帶子、鮑片等等全部都好新鮮。
🍣壽司方面，我就叫咗黑松露劍魚腩同埋蟹膏珍寶赤蝦，壽司嘅溫度同埋新鮮嘅程度恰到好處，美味嘅程度超出我預期。最推薦，蟹膏珍寶赤蝦壽司😍
🦪🍗🐮如果唔鍾意食生嘢嘅朋友呢度嘅熟食亦都好多選擇，有蒜蓉蒸帆立貝、和風焗廣島蠔、芝麻雞翼、茶碗蒸、燒羊架、燒牛仔骨等等。
當中最推介嘅係芝麻雞翼同埋金菇肥牛卷。芝麻雞翼唔單止香脆，而且好惹味；金菇肥牛卷新鮮燒出嚟香濃嘅牛肉味包住金菇，唔會燒到好乾又多汁，好食！
由於餐廳新開張，所以比較多人，但係服務都算到位，見到員工都盡力做到最好滿足客人嘅要求，上菜時間合理冇乜點漏單，幾好！
Post
