鮨匠

Open Now

Now Closed

朋友話香港仔中心開左間日式料理店，叫我陪佢去試下😂‼️講真香港仔我都係第一次入黎，如果唔係約左朋友，我都可能唔會入黎。環境好有日式氣氛，座位都闊落，仲有一面日式燈籠牆可以打卡。餐廳可能仲係試業階段，客人既量都多，人手未能妥善安排，出餐稍慢，不過可以理解。希望之後會安排得再好啦💪🏻💪🏻！ - 主食 -⦁鮨匠牛肉烏冬 $78⦁炙燒三文魚定食 $88定食仲要附上沙律同味噌湯。烏冬煙韌，牛味非常之濃。炙燒三文魚燒得岩岩好，好香魚油味😋。 - 小食 -⦁芝士春卷 $32⦁吉列炸蠔 $38兩款都係即叫即炸，炸物必須熱先好食。芝士春卷食落有種煙韌感覺。炸蠔炸得好酥脆，仲要唔腥。 - 刺身 -⦁珍寶赤蝦：非常大隻，食落鮮甜爽口⦁油甘魚：厚切，油脂分布得平均。⦁三文魚：厚切，好有咬口，滿滿魚油。⦁吞拿魚：厚切實肉，鮮甜甘香！⦁希靈魚：唔會覺得腥，口感爽脆。