華嫂冰室 (杜智臺)

Open Now

Now Closed

踢走Monday Blue，梗係要嘆番個靚早餐！黎到華嫂當然要叫番個招牌菠蘿包($20)，仲有黑松露忌廉湯通粉($38)。叫湯粉飲品仲可半價添，可惜唔包樽裝奶茶。而且樽裝奶茶都要十點後先有，注定我今日冇得飲😩！-招牌菠蘿包究竟有乜餡料呢？就係煎蛋，番茄同埋最最最重要嘅牛油啦！香脆嘅菠蘿包加牛油已經係絕配啦，估唔到加埋煎蛋同番茄都一樣咁夾。-黑松露忌廉湯通粉可以揀唔同配料，我地就揀左太陽蛋同芝士腸。湯底加左一大匙羹黑松露醬，未食已經聞到好香。味道方面似係黑松露加金寶忌廉湯再加雞湯，如果忌廉湯味濃啲，湯底應該會更出色。-凍奶茶方面，雖然唔係樽裝奶茶，但係茶味奶味十足，只不過係飲到後期有啲冰溶左奶茶稀左。總結早餐唔使排隊，都可以再黎過！