Video
Read full review
2018-02-02
884 views
新斗記成班老友剛剛一齊去完台灣，大家約咗出來傾下計，食下飯，講下旅行趣事，諗咗好耐食乜好？最後決定去返多年來的飯堂，新斗記北角店。我哋係呢間飯堂已經食咗好多年，最愛就是食燒乳豬，燒雞同啫啫菜煲，堅係好正好好味，依家諗返起都有啲回味。這間新斗記好得意，佢位於北角粵華酒店裏面，1樓，我哋以前成日係度book間房搞生日派對㗎🎉🎉🎉⋯⋯我哋特別喜歡訂北角店的，點解？因為北角店比起其他店小啲人，可以唔使食得太趕，經理同服務人員都會好好招呼，服務好殷勤。今次我哋叫咗以下食物：招牌即燒乳豬，皮肉分開，豬糕層已切走，食起來一點都不油膩，豬皮燒到非常香，非常脆，豬肉入味，好好食。如果佐敦店，有時可以見到師傅坐係度慢慢燒，因此知道呢隻燒豬咁好食，全部都係手工功勞。推介指數：9.5/10招牌粟米大魚塊，$158，契女非常喜歡食，平時食飯好慢，經常被佢媽媽責罵，但是呢碟餸可以令佢乖乖咁自動自覺咁食曬啲飯，佢仲叻叻咁講比我哋知，佢啲飯已經食曬，童叟無欺，証明呢款餸堅係得。魚片炸到好脆，魚塊裏面依然軟熟，粟米粒味鮮，粟米汁質素濃，一點都不咸又不淡，剛剛恰到好處。推介指數：9/10啫啫唐生菜煲，$78，特式是到枱時
成班老友剛剛一齊去完台灣，大家約咗出來傾下計，食下飯，講下旅行趣事，諗咗好耐食乜好？最後決定去返多年來的飯堂，新斗記北角店。我哋係呢間飯堂已經食咗好多年，最愛就是食燒乳豬，燒雞同啫啫菜煲，堅係好正好好味，依家諗返起都有啲回味。
這間新斗記好得意，佢位於北角粵華酒店裏面，1樓，我哋以前成日係度book間房搞生日派對㗎🎉🎉🎉⋯⋯我哋特別喜歡訂北角店的，點解？因為北角店比起其他店小啲人，可以唔使食得太趕，經理同服務人員都會好好招呼，服務好殷勤。
今次我哋叫咗以下食物：
招牌即燒乳豬，皮肉分開，豬糕層已切走，食起來一點都不油膩，豬皮燒到非常香，非常脆，豬肉入味，好好食。如果佐敦店，有時可以見到師傅坐係度慢慢燒，因此知道呢隻燒豬咁好食，全部都係手工功勞。
推介指數：9.5/10
招牌粟米大魚塊，$158，契女非常喜歡食，平時食飯好慢，經常被佢媽媽責罵，但是呢碟餸可以令佢乖乖咁自動自覺咁食曬啲飯，佢仲叻叻咁講比我哋知，佢啲飯已經食曬，童叟無欺，証明呢款餸堅係得。魚片炸到好脆，魚塊裏面依然軟熟，粟米粒味鮮，粟米汁質素濃，一點都不咸又不淡，剛剛恰到好處。
推介指數：9/10
啫啫唐生菜煲，$78，特式是到枱時，啲菜都仲係炸炸聲，汁味香濃，菜質幼嫩，香味極重。食過好多次，其實食啫啫彊汁芥蘭會更加好味。
推介指數：8/10
金牌炸子雞，1隻，$328，叫得金牌此餸也是首選，師傅炸到啲雞皮非常香脆，但雞肉依然鮮嫩，好有雞味。落單時，經理好好咁提醒我哋，一隻雞都幾大，怕我哋食唔曬，不過，以我哋嘅食力，只要係好味嘅餸，當然會應付有餘啦。最後，全部食曬，連經理都嘩然，哈哈。
推介指數：9.5/10
鴛鴦蒸豆腐，$108，契女最愛吃豆腐，此餸也是給她食的。豆腐香滑，鴛鴦，一面是蝦膠，另一面是鯪魚肉，蝦膠彈呀，有鮮蝦味，鯪魚肉，魚味重，兩款連豆腐一起食，餸飯非常合適，好味，怪不得今晚契女咁開心。
推介指數：8/10
啫啫鮮潤滑雞煲，$98，當然到枱時也是炸炸聲啦，豬潤厚切，潤裹依然有肉汁，不干身，豬潤彈牙，好味。滑雞入味，不過我覺得雞粒切得太細，大返小小，味道會更正，當然咁細粒都能帶小小雞骨，師傅一定有挑選過才用。
推介指數：8/10
紅豆沙，餐廳甜品，豆溶味濃，甜度適中，質素已經好過好多甜品專門店。
推介指數：9/10
今晚食5大1小，食咗成千多蚊，每個大人也不用3百，以此質素都算唔錯了。其實，此店的燉湯也不錯，今次人數不夠沒有點湯啊。
啫啫鮮潤滑雞煲
$98
26 views
0 likes
0 comments
招牌粟米大魚塊
$158
29 views
0 likes
0 comments
魚塊連汁
13 views
0 likes
0 comments
招牌即燒乳豬
$358
23 views
0 likes
0 comments
啫啫唐生菜煲
$78
16 views
0 likes
0 comments
鴛鴦蒸豆腐
$108
27 views
0 likes
0 comments
金牌炸子雞
$328
17 views
0 likes
0 comments
紅豆沙
14 views
0 likes
0 comments
Post
