流記香港仔艇仔粉

Open Now

Now Closed

當我好細個時，跟著爸爸在筲箕灣船上工作，到下午茶時段食過「艇仔粉」後，一直都無食過，現在筲箕灣避風塘唔知仲有冇「艇仔粉」呢？其實想食「香港仔艇仔粉」好耐。但有時享受食物亦要有緣相聚，因為有幾次去開香港仔想食，但已經收檔，因為阿叔預備的食材賣晒就無。今日天氣凍凍地，一於又再去啦。今次終於食到啦，但係食材唔係淨太多，本身想要紅腸都賣完，但用咗廚師腸代替。呢度先係「即叫，即做，即食」阿叔新鮮煮完，我即刻坐在碼頭邊享受，仲有咁靚海景伴著，真的好開胃。講番食物先，個湯底真係無得頂，熱辣辣，十分鮮甜入味。白魚旦爽口，河粉淥得剛剛好，不會太淋。其實放假無嘢做，去食個「艇仔粉」，又可以近近地接觸吓海水，欣賞吓香港風情，令人可以舒緩下壓力。