Video
Read full review
2021-02-03
661 views
望住個海真係會令人心情舒暢，難怪這間咖啡店每日人頭湧湧，任何年齡人士都影相影個不亦樂乎，影到太陽落山都唔捨得走。Cupping Room Coffee Roasters 是一間香港品牌連鎖咖啡店，品質有保證，唔需要擔心影相靚好睇唔好食。一行入鋪頭就見到海真係勁興奮，海天一色景色怡人。要留意返近日好多人來影相打卡，12點前比較易搵位坐，之後就可能要小排隊。這個Corner的自閉位我都幾鍾意，一人一檯望住個海，拎部電腦坐一日都唔會嫌悶。Cupping Room 這間新店最大特色係唔再走「黑媽媽」型格路線，取而代之用上好柔和色調，配色和線條都有北歐感。更特別係配合返個海景和碼頭，室內設計以「郵輪」做概念，陽台座位真係好似去左郵輪甲板。地下又磨石子原來係營造沙灘休閒感，真係好有心思喎。無得坐郵輪去玩唯有來這邊扮住先。整間店還融入了很多郵輪度假元素，你又意唔意會得到？另一個特點是特別提供6款鹹食Panini餐點，其他 Cupping Room 都無架！Panini 麵包由自家品牌 La Vina 制作，每日新鮮出爐，Panina 亦即叫即烘製，難怪店內不時飄出麵包香。飲品當然首推 Cupping
望住個海真係會令人心情舒暢，難怪這間咖啡店每日人頭湧湧，任何年齡人士都影相影個不亦樂乎，影到太陽落山都唔捨得走。
Cupping Room Coffee Roasters 是一間香港品牌連鎖咖啡店，品質有保證，唔需要擔心影相靚好睇唔好食。
一行入鋪頭就見到海真係勁興奮，海天一色景色怡人。要留意返近日好多人來影相打卡，12點前比較易搵位坐，之後就可能要小排隊。
這個Corner的自閉位我都幾鍾意，一人一檯望住個海，拎部電腦坐一日都唔會嫌悶。
Cupping Room 這間新店最大特色係唔再走「黑媽媽」型格路線，取而代之用上好柔和色調，配色和線條都有北歐感。更特別係配合返個海景和碼頭，室內設計以「郵輪」做概念，陽台座位真係好似去左郵輪甲板。地下又磨石子原來係營造沙灘休閒感，真係好有心思喎。
無得坐郵輪去玩唯有來這邊扮住先。
整間店還融入了很多郵輪度假元素，你又意唔意會得到？
另一個特點是特別提供6款鹹食Panini餐點，其他 Cupping Room 都無架！Panini 麵包由自家品牌 La Vina 制作，每日新鮮出爐，Panina 亦即叫即烘製，難怪店內不時飄出麵包香。
飲品當然首推 Cupping Room 自家冠軍精品咖啡，另外也有抹茶、焙茶以至薑黃拿鐵，想影相靚當然係揀用抹茶、椰子漿和咖啡製成的漸層 Coco Chanel 啦。
這邊當然也吃到同集團旗下品牌 La Vina 的麵包蛋糕，早餐或者輕食都有好多選擇，各種牛角包和水果酥餅都好受歡迎架，我就最鍾意果個 Garlic Cream Cheese Bun，中間滿滿蒜味芝士超好食！
另外不能錯過的當然還有招牌 Basque Burnt Cheesecake，任何人食過都讚不絕口。
我當自己上左郵輪食 Lunch 架啦！
每種 Panini 都會用唔同麵包配搭，唔係全部同一款包換個餡，我覺得好有誠意喎！
Tomato & Mozzarella HK$78 / Latte HK$43
六款鹹食三文治之中，只有一個係蛋奶素食。番茄和水牛芝士這個經典配搭絕對無得輸，入面仲有沙律菜和羅勒，麵包香脆餡料清新，份量都幾多，一定夠飽。
Coco Chanel HK$50
這杯最底有抹茶，中間係椰子漿，最頂再加 Espresso，原本係有漸層效果既，不過我地玩太耐。
Hojicha Latte 焙茶拿鐵 HK$50
這家的焙茶拿鐵都幾好飲，唔飲咖啡可以試這個。
Casa Cacao 純可可
品牌引入了西班牙Casa Cacao朱古力，現場除了可以買一排排朱古力，亦有純朱古力飲，超級香濃幼滑，朱古力控必定瘋狂。
3" La Vina Basque Burnt Cheesecake HK$46 / Carrot Cake
一場來到 Cupping Room 沒可能不吃 La Vina 的芝士蛋糕，這次我還選了賣相好精緻的 Carrot Cake，有閃令令的大海做背景，真係未食都開心。 Carrot Cake 吃起來唔會太甜，充滿水果香氣，配埋上面個 Cream Cheese Frosting 又真係幾好食。
農曆新年就快到，咖啡店亦推出了賀年配裝，送禮都可以有新意。這款紅當當的妓藝咖啡濾掛包就適合送俾飲開咖啡的朋友，聞起來果香好怡人。
金銀滿屋蛋糕套裝 新春賀年價 HK$188 (已開始發售)
新年食年糕食到厭，原來可以食芝士蛋糕！La Vina 特別推出這個金銀滿屋蛋糕套裝，入面有大吉大利香橙費南雪、運財原味巴斯克蛋糕和招財進寶榛子費南雪，造型夠晒氣氛，食完一定大吉大利財運亨通！
情人節時令鮮果丹麥酥及粉紅朱古力磅蛋糕套裝 甜蜜價 HK$288 (2月8日開始發售)
過完農曆新年仲要趕住過埋情人節，La Vina 亦設計了這款粉紅甜蜜蛋糕套裝俾大家，未食都甜到入心啦。
兩款蛋糕套裝可以於海港城 Cupping Room、所以 La Vina 門店及網店發售，數量有限，建議先在網上預訂啊！
店內最受歡迎的打卡位是最入面的窗框，因為有少少背光影的時候要就返角落，或者等12點之後有太陽曬進來就一定夠光了。
這間 Cupping Room 來一次真係唔夠喉，必須再約唔同朋友再來飲咖啡看海和拍無限美照。
Post
