Video
Read full review
2022-01-11
344 views
一直都唔知旺角雅蘭中心一樓開了咖啡店，甲賀珈琲 整間裝修風格都好日系，食物以簡單輕食為主，當中都有幾款無肉之選，特色飲品有賣相都幾適合打卡架。交通超級方便的旺角雅蘭中心，約朋友經過有空檔都可以上去飲杯咖啡，一上扶手電梯轉左就見到。食物以沙律、麵包和意粉等輕食為主，12點前仲有早餐食喎。除了平常咖啡店喝到的咖啡，餐牌上都有好多唔同種類的特色飲品。甜品都有四款可以揀。Latte HK$38 (轉燕麥奶 +HK$4)咖啡口味醇厚，燕麥奶味道都幾突出，跟咖啡配起來尚算和諧。抹茶雪山 HK$55非常適合影相打卡的凍飲，抹茶鮮奶飲起來有茶香又唔會太甜，飲的時候溝埋杯邊的朱古力醬又唔同風味，不過拎起隻杯的時候要小心唔好揩到朱古力。黑松露蘑菇忌廉意粉 HK$88意粉份量都幾適中，醬汁夠香而且每條意粉都有沾得均勻，味道中規中矩。雜菜沙律 HK$58 加牛油果 +HK$20想吃點蔬菜就來一客沙律，入面有幾款沙律菜、青瓜和大小番茄，我加埋牛油果就更完美了，沙律汁清爽無負擔。芝士撻 HK$32芝士撻細細個，但皮薄餡靚有驚喜，中間芝士味好夠香濃，食完非常滿足。咖啡店長方形店面，行到盡頭係這種單邊位。最特別係張檯
一直都唔知旺角雅蘭中心一樓開了咖啡店，甲賀珈琲 整間裝修風格都好日系，食物以簡單輕食為主，當中都有幾款無肉之選，特色飲品有賣相都幾適合打卡架。
交通超級方便的旺角雅蘭中心，約朋友經過有空檔都可以上去飲杯咖啡，一上扶手電梯轉左就見到。
食物以沙律、麵包和意粉等輕食為主，12點前仲有早餐食喎。
除了平常咖啡店喝到的咖啡，餐牌上都有好多唔同種類的特色飲品。
甜品都有四款可以揀。
Latte HK$38 (轉燕麥奶 +HK$4)
咖啡口味醇厚，燕麥奶味道都幾突出，跟咖啡配起來尚算和諧。
抹茶雪山 HK$55
非常適合影相打卡的凍飲，抹茶鮮奶飲起來有茶香又唔會太甜，飲的時候溝埋杯邊的朱古力醬又唔同風味，不過拎起隻杯的時候要小心唔好揩到朱古力。
黑松露蘑菇忌廉意粉 HK$88
意粉份量都幾適中，醬汁夠香而且每條意粉都有沾得均勻，味道中規中矩。
雜菜沙律 HK$58 加牛油果 +HK$20
想吃點蔬菜就來一客沙律，入面有幾款沙律菜、青瓜和大小番茄，我加埋牛油果就更完美了，沙律汁清爽無負擔。
芝士撻 HK$32
芝士撻細細個，但皮薄餡靚有驚喜，中間芝士味好夠香濃，食完非常滿足。
咖啡店長方形店面，行到盡頭係這種單邊位。
最特別係張檯下面有伸長的檯面，叫太多野食唔夠位擺可以拉出來，下面仲有成個拖板插頭可以充電添！
旺角人多車多，行街行到想休息下，記得雅蘭中心上面有咖啡飲有得坐啦！
Post
