Burgerman (欽州街) (Closed)

唔知香港有冇人同我一樣咁鍾意食burger呢🤤🤤？之前同大家試完Honbo，今次就同大家試吓位於深水埗嘅 Burgerman😋😋😋！Burgerman 店舖環境唔算好大，最多只可以坐10個人左右，所以佢都係主力做外賣生意，但係佢堂食質素亦都唔差。今次叫咗個丹麥藍芝士漢堡，芝士味都非常之濃，亦都好重肉味🐮🐮，漢堡入面呢亦都有洋蔥同埋一大塊生菜，所以絕對唔會覺得過分油膩！佢同時間亦都有沙律，成個口感好清新，亦都可以中和返牛肉同芝士嘅油膩感，做得非常之好。喺度推薦比大家試吓。