Fish & Chick (高街) (Closed)

鍾意食Fish N Chips既我，今日心血來潮黎到堅尼地城及高街都有店既Fish & Chick，呢度係專門食炸魚薯條既地方，會有不同魚既種類可選擇，而我比較喜歡滑身魚質，經店員推介後，最後決定選擇比目魚（$145）大約等待15分鐘後就上碟了，基本上炸魚形狀四四方方，有手掌般大，表面炸粉漿温度適中，但一切開炸粉後，一團熱氣就由魚肉中散發出來，魚肉內質嫩滑，但沒甚麼調味，只有表面數粒鹽粒，可沾上分開上的他他醬食。另外，可用比較正宗既英式食法，配以桌上擺放著的醋食☺️配菜方面少不了薯條，與其話係薯條，呢度比較似薯片，比一般薯條粗身，與薯角大小相若，薯條內薯肉豐富，食得滿足🥰總括而言，香港少有專門做炸魚薯條既地方，鍾意食炸魚薯條既人可以一試。