金子半之助 (東薈城名店倉)

Open Now

Now Closed

今日去左東涌行outlet, 到差唔多8點半就去食朋友介紹既呢間天婦羅。去到前面都有3-4枱等緊，但係可能已經過左晚飯時間，好快就入到座。餐牌選擇不多，只有3款，另外有一款係細天丼加烏冬既set我就揀左有穴子既丼，穴子即係星鰻。黎到個set有面豉湯同漬物(柚子酸蘿蔔+酸薑), 個柚子蘿蔔好好食😋個份量其實唔算好大，但啲天婦羅鋪滿左個飯，賣相唔錯。黎到侍應教個飯食到一半，可以篤開個流心蛋，將蛋汁同飯拌勻。另外仲有漬物同黑豆茶可以解膩。食到好飽好滿足，個天婦羅汁好好味，隻温泉蛋亦都生熟剛好，不會太生，同剩低既半碗飯拌勻剛剛好！對於有選擇困難症既朋友非常合適，因為只有3款選擇，亦都因為款式不多，先可以將每款食物都製作到最好。