Video
Read full review
2018-05-03
59 views
有個朋友係日本達人，唔單止熟悉日本，佢仲知道香港邊度有好味日本餐，今日我就跟左佢黎食omakase,即係廚師發板黎呢度食飯，要預先book定位，我哋六點半左右嚟到，有幸可以坐到吧枱，一路食，一路望住師傅預備食物俾我地先食前菜三款，分別係高野豆腐，櫻花蝦菠菜同埋螢光魷魚🦑，豆腐最有驚喜，入面充滿着濃湯嘅鮮甜， 凍食一流然後師傅會問你有冇食物敏感或者唔鍾意食嘅嘢，問清楚先再安排之後嘅嘢食，十分貼心。首先係食刺身，第一款係水八爪魚🐙，呢個刺身十分爽滑，充滿鮮甜味，再食埋個吸盤，爽脆，有驚喜然後就到深海池魚，一片係魚嘅背部，一片係魚嘅腩部，腩部脂肪較多，味道較濃郁，所以師傅會建議你先食背部果塊第三樣刺身係響螺，就咁聽個名好似好普通咁，食落就知與眾不同，佢個醬汁係用響螺個肝磨成，味道好似食膏咁，令人回味最後一道刺身就係蝦啦，成隻蝦所有部位都幾乎食晒咁滯，蝦身拎來做刺身，連蝦籽都食得，蝦頭清左啲內臟後，就會拎去炸，脆卜卜好好味食完之後就到壽司了，壽司即做即食，食完一件先整一件，節奏剛剛好，真鯛、金目鯛、油漬吞拿魚、熊本花竹蝦同埋用蜆做嘅壽司，各有特色，金目鯛上枱前會用火槍燒一燒，迫啲魚油出嚟，食落
先食前菜三款，分別係高野豆腐，櫻花蝦菠菜同埋螢光魷魚🦑，豆腐最有驚喜，入面充滿着濃湯嘅鮮甜， 凍食一流
然後師傅會問你有冇食物敏感或者唔鍾意食嘅嘢，問清楚先再安排之後嘅嘢食，十分貼心。首先係食刺身，第一款係水八爪魚🐙，呢個刺身十分爽滑，充滿鮮甜味，再食埋個吸盤，爽脆，有驚喜
然後就到深海池魚，一片係魚嘅背部，一片係魚嘅腩部，腩部脂肪較多，味道較濃郁，所以師傅會建議你先食背部果塊
第三樣刺身係響螺，就咁聽個名好似好普通咁，食落就知與眾不同，佢個醬汁係用響螺個肝磨成，味道好似食膏咁，令人回味
最後一道刺身就係蝦啦，成隻蝦所有部位都幾乎食晒咁滯，蝦身拎來做刺身，連蝦籽都食得，蝦頭清左啲內臟後，就會拎去炸，脆卜卜好好味
食完之後就到壽司了，壽司即做即食，食完一件先整一件，節奏剛剛好，真鯛、金目鯛、油漬吞拿魚、熊本花竹蝦同埋用蜆做嘅壽司，各有特色，金目鯛上枱前會用火槍燒一燒，迫啲魚油出嚟，食落特別香，而花竹蝦壽司絕對值得介紹，因為蝦上面，金光閃閃嘅粉，原來係有洪乾咗嘅蝦腳磨成粉，好得意
中間間場嘅係燒雞頸肉，外脆內軟，配埋個有子胡椒醬，十分惹味
小長井蠔，日本蠔果然同法國蠔唔同，呢隻蠔身肥美，海水味濃，配埋個柚子啫喱，高分
之後繼續食返壽司，鮫牒魚、赤背、拖羅同埋毛蟹壽司，毛蟹係手拆的，師傅十分用心啊
食完咁多美味刺身及魚生，師傅再為我地安排左個蜆湯，淡淡嘅sake香，十分暖胃
最後仲有日本直送蜜瓜，十分清甜，為今餐omakase畫上句號
全餐omakase都可以望住師傅為我地預備食物，間唔中同師傅閒聊一、兩句，實在輕鬆寫意，唔經唔覺食左差不多三小時，暢快啊
Post
