道

Open Now

Now Closed

進餐當日遇上紅雨，但係排隊嘅人龍都冇減少，食完就明白點解！當日分別試咗雞白湯拉麵、塩雞清湯拉麵，同埋唐揚炸雞，兩個人食好夠飽😋😋😋雞白湯經過多個小時嘅熬製，整個湯都係奶白色，飲落好有奶香味，麵底都好有咬口。如果食到一半覺得有啲油膩，可以加翻啲柚子皮落去，唔單止中和到油膩嘅感覺，更加可以令到個湯變得更加有層次，令我想飲晒成碗湯😆😆😆塩雞清湯飲落好清甜，但係完全唔會有好腥嘅雞味，每一啖飲落口都好舒服。而個麵底同雞白湯係唔同，係比較滑身嘅一款，再加埋有啲煙熏味嘅雞肉叉燒，湯、麵、肉，三樣嘢食落去感覺好配合，推介！👍🏻另外值得一提嘅係，雖然師傅們都好忙，但係佢哋都會好用心咁同客人介紹佢哋推薦嘅食法，同埋烹煮嘅過程，亦會同客人傾計了解吓食客嘅感受，係一間好用心嘅小店！