Video
Telephone
92007028
Introduction
It is a Kappou restaurant with few seats. The wooden design is high-end and stylish. It imports seasonal ingredients from Japan to serve kaiseki, omakase, sushi and sashimi.
continue reading
Opening Hours
Today
12:00 - 16:00
18:00 - 22:00
Mon - Sun
12:00 - 16:00
18:00 - 22:00
Public Holiday
12:00 - 16:00
18:00 - 22:00
Above information is for reference only. Please check details with the restaurant.
屯門紅橋既道本身係做omakase既開關之後好似話係主廚離開左之後就轉型變成拉麵店用番過往裝修風格所以係比一般拉麵店望落高級既感覺呢個位就成日都要排隊以前排章魚燒又係要排勁耐而家又到要排拉麵我係上年10月果時去既果時餐廳夜晚六點開門我收工坐車去到都六點四左右見到第一輪已經滿左前面仲有四個排緊隊因為道煮麵速度比一般拉麵店慢流轉就無一般拉麵店咁快結果第一輪成九個字都未有人出番黎排左半個鐘先入得張凳好重好難移動不過下面有得擺袋算係坐得幾舒服唔會同格離手貼手餐廳都係bar檯設計12個位都感覺到以前omakase大概既樣入面有三個職員一個負責煮麵一個收錢一個上菜同介紹唔知而家有無變到餐牌成日會轉見上網有人話炸雞好好食但呢日係無既因為係輪住入所以都係輪住落單都無話會比後入既落左先好似話因為裝修唔同佢地煮麵既方式同一般拉麵店都唔同係一個大鍋逐個麵逐個麵咁煮我就唔知係好定壞不過就真係好花時間仲有人就話乾水會無咁好另外佢d碗係會一直用滾水熱住個碗食到最尾都仲係熱既由坐低到上麵又等左廿五分鐘即係連埋排隊都差唔多成個鐘因為白湯近年成日都食到所以想試下濃醬油清湯白湯係有用機器攪拌過先上而且有介紹但清湯就無既不過成個擺盤package都好靚一碗拉麵應該有既都齊晒唔洗話蛋要加錢又乜乜物物佢個湯有雞油係面但我自己就覺得雞味唔重不過醬油味真係好濃而且飲落真有層次唔是死咸比較再清新一d飲晒成碗都唔會膩糖心蛋都唔錯叉燒唔鞋正常麵條係幼麵上面有小麥點咬落都比較爽口食完係好滿足整體成個配搭就係好好食係香港食過既醬油拉麵唔多我覺得呢間仲好食過麵處一家呢個環境仲唔洗加一就咁118落樓比一般拉麵店仲多左些少服務唔好處就當然係太遠同要等太耐啦偶爾有目標咁食都仲可能得但就唔係諗起就可以食得到既餐廳不過就真係贏晒香港其他餐廳紅橋以前仲有間奇蹟拉麵係賣醬油拉麵應該係賣左品牌所以都唔同左但而家都係大坑再開番個名改左做麥先有機會都好想去試下不過大坑同紅橋都係兩個唔同程度既遠無車直到真係有難度既
continue reading
《道 Michi》雞🐓白湯拉麵🍜📍屯門青菱徑7號華興大廈地下H號舖上次黎呢間店大概係兩個半月前，當日係平日lunch，我12:15到，籌號 21，排左 20 分鐘有得食。今次黎，係紅日嘅晚巿，我同個女 6:05pm 到，籌號竟然係 60。因為本身又未肚餓，所以同個女兩個人响附近食下小食，7-11買下零食，飲吓野，時間不經不覺到 7 點幾。雖然我知前面有 59 個人，都冇可能7點幾就有得食，不過我心諗，前面總會有 d 人唔等走左，心存僥倖地諗，應該8點幾有得食啦呱？點知，以我觀察，職員出來叫 number 時，只有2個人冇等😅，其餘 57 人全數都係乖乖地等待。結果，我等地到 9:35 分先入得 😵😵😵😵😵。等候時間係 3 小時 30 分鐘⏰。當然，有人願打有人願捱，冇人強逼我地一定等，我地大可以一走了之，所以等得耐，並唔係店家問題，只係呢間店真係太受歡迎。從職員口中得知，晚巿雖然開6點，不過4點幾就有人開始排，所以原來我6:05先到，係何其的遲。言歸正傳，上次食嘅係《塩雞🐓清湯拉麵🍜》，我比嘅評分係⭐⭐⭐☆☆，因為個雞清湯唔單單係清，仲相當的淡，雞味並唔濃，亦唔出，所以一直冇刻意再去食。因為今晚同個女拍拖，所以想帶佢試下呢間神店，想知佢又覺得如何。今次食嘅係《雞🐓白湯拉麵🍜》，亦係menu上面數落黎嘅第一項，照道理應該係最招牌。食完之後，我嘅評論同上次類近，湯嘅雞味唔夠濃郁，以雞白湯來講直情係淡。我去評價啖湯得唔得，我會主要分5個角度去睇，香味，濃度，鹹度，質感同溫度。唔少人會將濃度同鹹度混為一談，其實佢地係唔一樣。濃度指嘅係食材味道嘅濃度，鹹度係指鹽分有幾高。簡單形容就係，一碗滿滿肉味嘅肉湯但冇加鹽，就濃而不鹹；反之，一碗清水加左勁多鹽，就淡而過鹹。呢間店嘅湯頭，既淡，鹹度偏低，比人嘅感覺唔夠力。另一方面，因為佢嘅雞油幾香，同夠熱，所以大致上都算討好，但對我而言絕對唔算驚艷。另外，雞白湯同雞鹽湯用嘅麵係唔同。呢款麵相對比較深色，全粒粉，口感較粗糙，加上唔知係咪我當日係食全日最後一碗麵，我覺得個麵冇煮透，仲係生生地，所以我覺得唔好食。雞叉燒方面，軟軟嫩嫩，不過調味略嫌過淡。溏心蛋就幾好，生熟度控制得好，enjoy 食。全碗麵令我最印象深刻嘅，竟然係佢嘅蔥，質感同蔥味都同平時食到嘅有明顯唔同。整體 - 不推薦。如果你真係食得好啖口，可一試，不過要注意排隊時間。無論點好食，要排太長時間，食龍肉都冇味。我個人接受到嘅等候時間係大約一小時，今次等左三個半小時實屬偶然，可一不可再，下不違例。
continue reading
30/3/2025星期日從網上得知有這一間拉麵店，便專程從外區到來品嘗。現有以下評論：1.排隊時間的確很長，我們12時50分到達，眼見有20多人在排隊，我們排在最後。五分鐘後剛好職員出來派籌，按人頭派籌。成功取籌58,59号。店員說這個籌號都要3時才輪到。因我們從外區前來，所以都照排隊。2.2時55分入座。因雞白湯已售罄，故我們點了鹽雞清湯拉麵兩客和唐揚炸雞兩件。3.5分鐘後，先送上來的是唐揚炸雞，剛剛炸起，香酥嫩滑。然後兩碗拉麵紛紛送上（十分鐘內全部食物送上）。店員詳細解釋這碗拉麵的創作靈感和特色，以及品嚐拉麵的最佳方法。4.雞湯很香，入口鮮香甜。拉麵偏軟。叉燒帶有淡淡煙燻香味，溏心蛋全隻沒有切開，蛋心是冰凍的，蛋七成五熟。5.結帳時收錯數，應該是：98+98+28=224但店方收我四件炸雞的錢：98+98+48=244見店員用ipad落單，為何結帳會錯？6.用餐後三小時內都沒有異常的口乾。總結：只談論食物本身：7/10.整體經驗：5/10
continue reading
第二次過來終於食到，第一次係同一星期嘅星期一，諗住星期一應該唔會好多人，點知星期一晚上嘅7:30來到，見到人龍長得誇張，原來排隊一定要人齊先至派飛，如果唔係就會派俾你後面到齊嘅人，所以我哋一行二人就放棄了，因為同行嘅人唔係同我同一時間到，所以我一路見到後面嘅人成功拎到飛，所以嗰日最後放棄咗，再睇OpenRice做功課，夜晚第二場係晚上六點開始，所以諗住下一次要早過5:30pm來排隊，終於喺同一星期嘅星期四成功食到😌最後5:18pm來排隊，排第4,5位，人龍好快一個接一個咁樣變長，如果遲嚟1分鐘已經變成第6,7位最後準時6:00pm安排入座，原來每一碗拉麵係逐碗逐碗整，唔會同一時間整兩碗，之前做咗好多功課，見到大家都對雞白湯拉麵評分最高，所以我哋都係點做兩碗雞白湯拉麵，同埋一份唐揚炸雞，再加一份龍蝦沙律配紫菜雞白湯真係好濃厚，用咗好多個鐘頭嚟熬製嘅雞湯，湯底係打咗泡雞湯，所以個湯底好Creamy好濃嘅雞湯味，拉麵亦都好掛湯，除咗雞白湯出色，我覺得拉麵裏面嘅雞叉燒都相當驚喜，入口即溶，滿滿嘅骨膠原感覺，雞白湯會配埋一小碟檸檬葉，店員會建議食到一半先加落去，所以我食到一半就加咗檸檬葉落去，加完之後雞白湯更加有層次，我覺得可以再早啲加落去😜至於唐揚炸雞，佢嘅炸雞感覺似天婦羅炸皮，裏面嘅雞肉係好Juicy嘅，但係兩個人食四嚿就有啲飽，應該點兩舊就夠龍蝦沙律配紫菜，曾經都喺其他拉麵店食過同樣嘅小食，龍蝦沙律都係會有啲Wasabi味，呢個呢個配搭我一直都覺得好清新，佢哋最近仲有期間限定雞刺身，但係我哋就冇點到同埋呢度係唔可以加單嘅，一定要第一次落單落晒，不過其實都覺得好夠飽，食完第一次已經覺得之後會再來，但係就一定會早啲過來，可能同今次一樣都係5:30pm前來排隊🥳
continue reading
拎飛前真係有咩頭暈身興都唔好行開呀， 唔理你排左幾耐 總之個職員就係會突然出黎派飛 佢派果陣見到幾個人 就俾幾個人既飛你唔理你係咩原因行開左 果日諗住放假有時間約朋友去排下隊試下，大幾11：30去到，排排下， 我唔舒服， 諗住襯未開始派飛，去隔離便利店買啲藥食左先， 朋友就繼續排 ，我買完返到黎係剛開始派飛 岩岩派過左我朋友，果時大幾11：50左右，朋友當時都有解釋行開是去附近買藥， 但職員都話我要重新再排過 咁就本身由隊頭變左去隊尾 前後只係3分鐘唔夠最後等左勁耐 真係食龍肉都無味雖然話個排隊機制係為左公平 防止解壓縮既人，但處理方法太死板 亦都令到真心排隊想食既客人都要花多左無謂既時間
continue reading