Video
Read full review
2019-06-21
74 views
香港好少有好大間嘅台灣菜館, 通常都係台式小食店或餐廳, 今次去左食呢間台灣菜館有2層, 主打台灣菜但同香港嘅酒樓一樣咁大, 好適合一家大細, 帶埋長輩去都完全無問題!前菜涼盤叫左台式鹽水鴨, 份量都幾多, 第一次食凍嘅鴨, 叫得鹽水鴨, 味道就真係幾咸下, 個人覺得如果配埋飯or麵一齊食就唔錯喇!食台灣菜當然要食蚵仔煎, 呢度嘅蚵仔煎同我平時喺台灣夜市食嘅有少少唔同, 出面係煎蛋入面包住蠔仔, 食落有少少似潮州蠔餅, 都幾特別!炒海瓜子: 其實即係炒硯, 食落都幾入味仲有少少辣, 同來送飯就一流!台式肉燥飯, 佢地有兩種比我地揀, 一種係魯肉碎粒, 另一種就係一大舊肉咁, 我地就揀左肉粒, 食落都幾似台灣食到嘅魯肉飯, 魯水味都幾重同埋幾多油(覺得台灣魯肉飯就係多油嘅!), 不過一碗嘅份量唔算太多, 一個人食就岩岩好!台式擔仔麵, 呢個唔算太推介因為成碗麵好油下味道唔太似台灣食到嘅, 同埋份量都幾少, 一個人食都未必夠!炒A菜 即係香港嘅油麥菜, 蒜蓉清炒油麥菜覺得有少少太油, 不過食落都幾爽菜幾新鮮!三杯雞, 本身以為係辣嘅三杯雞點知我話唔食得太辣所以佢地無落到太多辣椒, 雞肉唔算
前菜涼盤叫左台式鹽水鴨, 份量都幾多, 第一次食凍嘅鴨, 叫得鹽水鴨, 味道就真係幾咸下, 個人覺得如果配埋飯or麵一齊食就唔錯喇!
食台灣菜當然要食蚵仔煎, 呢度嘅蚵仔煎同我平時喺台灣夜市食嘅有少少唔同, 出面係煎蛋入面包住蠔仔, 食落有少少似潮州蠔餅, 都幾特別!
炒海瓜子: 其實即係炒硯, 食落都幾入味仲有少少辣, 同來送飯就一流!
台式肉燥飯, 佢地有兩種比我地揀, 一種係魯肉碎粒, 另一種就係一大舊肉咁, 我地就揀左肉粒, 食落都幾似台灣食到嘅魯肉飯, 魯水味都幾重同埋幾多油(覺得台灣魯肉飯就係多油嘅!), 不過一碗嘅份量唔算太多, 一個人食就岩岩好!
台式擔仔麵, 呢個唔算太推介因為成碗麵好油下味道唔太似台灣食到嘅, 同埋份量都幾少, 一個人食都未必夠!
炒A菜 即係香港嘅油麥菜, 蒜蓉清炒油麥菜覺得有少少太油, 不過食落都幾爽菜幾新鮮!
三杯雞, 本身以為係辣嘅三杯雞點知我話唔食得太辣所以佢地無落到太多辣椒, 雞肉唔算太嫩但係個汁都幾夠味, 個人覺得無喺台灣食嘅咁濃味, 一煲雞嘅份量都唔少, 足夠幾個人share !
紅糟豬手: 味道好重下,
用來送飯都幾適合, 不過一兜嘅份量都好多下, 而且味道好重食完一舊都已經有少少膩. 建議多幾個人一齊share來食就好岩!
甜品方面係一D港式酒樓嘅甜品椰香紅棗糕, 熱辣辣蒸出來加上煙煙韌韌嘅口感!好好食, 而且唔太甜haha岩哂我好中意食紅棗嘅人!
Post
