屋子空間 (Closed)

呢間屋子空間好多人打卡，呢日就扮下文青，作為港島人嘅我遠赴大圍，探朋友順便嚟食個甜品。🍮黑糖珍珠奶油小鬆餅🍵熱四季春茶冇估到個甜品份量可以咁豐富，一向細食嘅我可以當晚餐咁食。小鬆餅軟綿綿，好多塊好好味，啲黑糖珍珠好大粒又煙韌，奶油好多，食落有啲膩。四季春茶都好濃，個茶包內好多茶葉。入去已經冇位要等位，有兩層比較少見，也是特色之一，就是一間獨位屋的咖啡廳，難怪咁多人朝聖。我搵到坐窗邊位置，好曬，太多人冷氣好似唔夠。