德興茶餐廳 (Closed)

為左塊鋼板要深入敵陣，沙田蝗禍嚴重，本想行去西田逛逛，行到半路驚見蝗潮兇湧，立即折返。沙田跟上水同樣蝗禍嚴重，慘不忍睹！肚餓了，想食日本拉麵但對附近幾間食肆都不感興趣，唯有其求食碗潮州麵。印象中好運中心有間麵檔，德興？以前好似唔係叫德興喎，叫咩都好啦，照食。勁多水客、蝗蟲嗡住晒，幸好我一個易搵位。檯椅放到密麻麻，可以媲美大排檔，肥少少都行唔到呀！魚蛋墨丸麵走蔥，都要 $33 蚊。墨丸混有墨魚肉，鮮味濃濃不粉口，香甜結實富彈性，有質素真材實料。潮州白魚蛋夠穩陣，魚鮮咸香夠晒彈，好！鹼水麵好爽喎，但有點黏，過水不足呢。桂林辣椒油無咩味，掛上大量辣椒渣吊吊味咸咸地，點綴一下。潮州粉果，遲遲都未到，碗麵都食完，問左兩次終於都肯出比我喇。夠晒大隻，油淋淋反晒光喎。有隻外皮爛晒漏餡乽照出比我囉，賣相完全唔得。勁肥勁油，厚皮嚥韌入口滑嘟嘟。餡料已經唔多，仲要勁多沙葛及花生，無咩肉食。味道麻麻地，配上大量辣椒渣掩飾，免強合格。最好食都係大埔新明發，料多脹卜卜，乾爽唔肥。牛筋腩麵走蔥，比想像中好味喎，食得過。牛筋棉滑膠黏，味濃香甜，好味道。牛腩鬆化軟腍又無渣，可口香甜。湯底淡了點喎，就算撈埋腩汁都係差少