泰廳 (Moved) New Location

從加拿大回香港渡假的親戚住在天水圍的酒店，為咗方便佢哋，我今晚就約佢哋去元朗食飯，因為佢嗰邊其實食越南pho就好容易，但好少好味泰國菜，我睇完OpenRice上面啲人對呢間野嘅評分，我諗都唔諗就揀咗今晚去呢度食飯。其實哩間餐廳service唔錯，不過衛生方面就⋯柚子沙律有條長頭髮佢都立即換俾我哋嘅，而食物方面就，好港式⋯⋯叫咗一個濕炒海鮮河、泰式豬手、柚子沙律、肉碎生菜包等等，成餐飯我淨係影咗一張相，就係個泰式豬手，見到嗰個獻汁我立即O咗，我第一次見到咁港式嘅泰國嘢，其實味道真係唔差嘅，但係一啲泰國風味都冇，其實真係好後悔帶佢哋嚟食啲咁唔正宗嘅泰國菜。我開始對OpenRice好失望。講完。