Video
Read full review
2016-11-13
175 views
今日約咗好耐無見嘅朋友聚舊，就揀咗一間係香港新開嘅文青cafe，貪佢可以坐得耐嘛。Café 叫做Coffeeholic ,位於上環蘇坑街,地鐵站A出口行3-4分鐘就到,好方便呢間cafe係來自台灣，係馬來西亞、廈門等等都有分店，而聽經理講，遲D仲會係銅鑼灣同澳門開分店。今次同個朋友叫咗一份all day breakfast同一份牛肋骨，另外再叫咗一杯海鹽咖啡同烤杏仁咖啡，再外加兩個brownie，飽晒！意大利燴牛肋條($148)係店家推介嘅主食之一，牛肋條一粒粒，再配上車厘茄、雜菜，好鮮味阿！牛肋條亦好嫩滑！個汁係用鮮蕃茄醬煮成，而且好有牛肉味，加上一隻半熟溫泉蛋, 個餐會包埋墨魚汁麵包,可以點牛肉汁同蛋漿食,成個配搭好match! 再配合牛油果沙律(沙律入面有松子仁,好香)同旋風薯（超好食，即炸熱辣辣），岩晒我呢D貪心想試好多野食嘅人！第二個主食我地叫左All day breakfast($118), 同出面既all day breakfast唔一樣，唔係香腸煙肉煎蛋，好欣賞café 對每一道菜既用心。黎個全日早餐，入面有綜合沙律,同牛肋骨餐一樣,有牛油果沙律、墨魚汁麵包、溫泉蛋同
呢間cafe係來自台灣，係馬來西亞、廈門等等都有分店，而聽經理講，遲D仲會係銅鑼灣同澳門開分店。
今次同個朋友叫咗一份all day breakfast同一份牛肋骨，另外再叫咗一杯海鹽咖啡同烤杏仁咖啡，再外加兩個brownie，飽晒！
意大利燴牛肋條($148)係店家推介嘅主食之一，牛肋條一粒粒，再配上車厘茄、雜菜，好鮮味阿！牛肋條亦好嫩滑！個汁係用鮮蕃茄醬煮成，而且好有牛肉味，加上一隻半熟溫泉蛋, 個餐會包埋墨魚汁麵包,可以點牛肉汁同蛋漿食,成個配搭好match! 再配合牛油果沙律(沙律入面有松子仁,好香)同旋風薯（超好食，即炸熱辣辣），岩晒我呢D貪心想試好多野食嘅人！
第二個主食我地叫左All day breakfast($118), 同出面既all day breakfast唔一樣，唔係香腸煙肉煎蛋，好欣賞café 對每一道菜既用心。黎個全日早餐，入面有綜合沙律,同牛肋骨餐一樣,有牛油果沙律、墨魚汁麵包、溫泉蛋同旋風薯。全個餐我最中意就係食黑松露薯蓉, 啖啖黑松露香味,不得了!
黎度既咖啡出名口味特別,而且又唔貴,我叫左杯烤杏仁拿鐵($38), 咖啡師傅已經調好甜味,唔洗自己再加糖,好香既杏仁味, 好似同時飲緊台灣杏仁茶同咖啡咁!
經理話,海鹽咖啡係用喜馬拉雅山嘅海鹽($38)，飲落鹹鹹地但又唔會搶咗咖啡嘅香味。有杯係辣味嘅咖啡感覺都好得意，下次一定要試！
甜品叫左brownie($22),超愛朱古力味,個心仲係熱,最後嘅綠茶brownie就不過不失啦，個人感覺同酒店buffet嘅差不多。
得閒去café睇下書,飲下啡,好似真係去左台灣咁~
Post
