Video
Read full review
2018-07-12
1713 views
好耐冇食過華星啦，小妹住係九龍區，偏偏今次因為探朋友個B仔，黎左上環食個quick lunch黎得華星，基本上人人都會嗌個常餐黎食，所以師傅出餐都好快手，我同男朋友岩岩坐低叫左唔夠5分鐘，我最掛住既叉燒通粉同煎蛋多就送到啦！個多士烘到岩岩好，外脆內軟，個煎蛋仲要係我中意既微微地燶邊啊 ^^ 我同男朋友都習慣加埋塊多士係通粉度食，通粉煮到岩岩好，唔會太軟爛，加埋杯熱奶茶，正！ 奶茶仲要係用經典黑白淡奶杯，個感覺真係唔同D架，真係好似滑D好飲D咁架 我地兩個點解嗌得一個常餐？梗係要留肚食其他正野啦！我同男朋友都係面包控，所以每次黎就算食完常餐兩塊多士之外，都一定會食埋佢地既校長多，呢個黑松露芝士多望落好似黑忟忟咁，一開始我男朋友介紹既時候我都嚇左嚇架，但依落就發現原來好正架，黑松露味都好出，加埋帶咸香既芝士 Oh-em-gee！但衰就衰左一定要即刻食，因為一定要趁佢熱辣辣D芝士溶溶地咁食係最正架！！！食到一半我地見到牆上面餐牌有個魔鬼潛艇，好似好得意咁所以就嗌左個黎share食原來係熱狗，個包就中規中矩咁啦，伴碟D青瓜同蕃茄我冇食到，玻璃肚唔敢食生野XD 其實成個熱狗都係正常質素，＄23
黎得華星，基本上人人都會嗌個常餐黎食，所以師傅出餐都好快手，我同男朋友岩岩坐低叫左唔夠5分鐘，我最掛住既叉燒通粉同煎蛋多就送到啦！個多士烘到岩岩好，外脆內軟，個煎蛋仲要係我中意既微微地燶邊啊 ^^ 我同男朋友都習慣加埋塊多士係通粉度食，通粉煮到岩岩好，唔會太軟爛，加埋杯熱奶茶，正！
奶茶仲要係用經典黑白淡奶杯，個感覺真係唔同D架，真係好似滑D好飲D咁架
我地兩個點解嗌得一個常餐？梗係要留肚食其他正野啦！
常餐 (通粉、煎蛋)
$38
138 views
1 likes
0 comments
我同男朋友都係面包控，所以每次黎就算食完常餐兩塊多士之外，都一定會食埋佢地既校長多，呢個黑松露芝士多望落好似黑忟忟咁，一開始我男朋友介紹既時候我都嚇左嚇架，但依落就發現原來好正架，黑松露味都好出，加埋帶咸香既芝士 Oh-em-gee！但衰就衰左一定要即刻食，因為一定要趁佢熱辣辣D芝士溶溶地咁食係最正架！！！
校長多士
$25
370 views
0 likes
0 comments
食到一半我地見到牆上面餐牌有個魔鬼潛艇，好似好得意咁所以就嗌左個黎share食
原來係熱狗，個包就中規中矩咁啦，伴碟D青瓜同蕃茄我冇食到，玻璃肚唔敢食生野XD
其實成個熱狗都係正常質素，＄23既價錢黎講，條腸係有驚喜既，咬落真係會有好多汁爆出黎，同埋腸衣好脆身，不過華星咁多其他正野，就未必會次次黎都食啦。
魔鬼潛艇
$23
108 views
0 likes
0 comments
男朋友另外仲嗌左杯菠蘿菠蘿蜜～～
哈哈其實係菠蘿冰，嗯⋯⋯廿五蚊係有少少貴架啦，不過咁耐冇飲過，間唔時叫一杯黎飲都幾開心既
我都係冇飲到既，因為怕奶茶會撞，男朋友話都幾好飲，係夏天咁熱既天氣飲返杯會幾爽咁。
菠蘿冰
$25
78 views
0 likes
0 comments
因為怕影到其他食客所以就冇影到間餐廳啦，都明白香港寸金呎土，D位就一定係會逼少少架啦，同埋華星成日都好爆 (尤其是旺角果間) 所以都少不免要同人搭枱，不過D侍應好熟手，我食咁多次都唔會話有漏單或者比錯既情況
同埋係香港咁多間出名少少既冰室茶餐廳黎講，華星D伙記真係算係好好服務既一班
每次黎都好好笑容，忙既時候都唔會話大大聲鬧D客或者催佢地，有時見到有D客帶住小朋友黎食，佢地都會好小心怕其他人撞到佢地，係愛啊haha
Post
