Video
Read full review
2023-01-25
82 views
同朋友慶生當然要食得精緻d，精挑細選下揀咗呢間位於尖沙咀嘅omakase，其中一個原因就係晚市時段提供嘅兩種價位omakase，都做緊限時優惠價。「花」 $1280 (原價$1680)呢款價位較平嘅omakase一共有16品料理，包括咗前菜、刺身、季節料理、壽司、吸物同甜品，已經非常之豐富。前菜嘅蟹肉寒天，鋪上北海道馬糞海膽、蟹子同金箔，見到賣相已經流哂口水。個寒天清爽得黎食到超鮮甜蟹肉味，加上creamy濃郁嘅海膽，為呢一餐打開完美序幕。跟住就上刺身，鱈魚白子口感綿密細緻，配以酸汁同埋辣蘿蔔蓉，味道層次豐富。竹籤魚輕輕火炙過，肉質軟嫩，充滿油香，面頭搽咗少少麵豉醬，食落甜甜哋，非常特別。再黎係鮟鱇魚肝最中餅，脆身嘅最中餅，夾住細滑綿密嘅鮟鱇魚肝、幼滑細膩嘅海膽、蟹子、金箔一齊食，入口魚肝同海膽甘香醇厚嘅味道交織埋一齊，齒頰留香。接住落黎有茶碗蒸清一清個味蕾，茶碗蒸口感順滑，入面有蟹肉、香菇、鳴門卷等配料。再黎就係壽司，師傅用上時令新鮮嘅食材即席炮製手握壽司，款款都係咁鮮甜味美，今日就食到以下幾款：-左口魚壽司：魚肉擁有爽嫩口感，味道鮮甜-毛蟹壽司：原條毛蟹肉，啖啖肉之餘十分之鮮味-深
「花」 $1280 (原價$1680)
呢款價位較平嘅omakase一共有16品料理，包括咗前菜、刺身、季節料理、壽司、吸物同甜品，已經非常之豐富。
前菜嘅蟹肉寒天，鋪上北海道馬糞海膽、蟹子同金箔，見到賣相已經流哂口水。個寒天清爽得黎食到超鮮甜蟹肉味，加上creamy濃郁嘅海膽，為呢一餐打開完美序幕。
跟住就上刺身，鱈魚白子口感綿密細緻，配以酸汁同埋辣蘿蔔蓉，味道層次豐富。竹籤魚輕輕火炙過，肉質軟嫩，充滿油香，面頭搽咗少少麵豉醬，食落甜甜哋，非常特別。
再黎係鮟鱇魚肝最中餅，脆身嘅最中餅，夾住細滑綿密嘅鮟鱇魚肝、幼滑細膩嘅海膽、蟹子、金箔一齊食，入口魚肝同海膽甘香醇厚嘅味道交織埋一齊，齒頰留香。
接住落黎有茶碗蒸清一清個味蕾，茶碗蒸口感順滑，入面有蟹肉、香菇、鳴門卷等配料。
再黎就係壽司，師傅用上時令新鮮嘅食材即席炮製手握壽司，款款都係咁鮮甜味美，今日就食到以下幾款：
-左口魚壽司：魚肉擁有爽嫩口感，味道鮮甜
-毛蟹壽司：原條毛蟹肉，啖啖肉之餘十分之鮮味
-深海池魚壽司：肉質偏爽，充滿油香
-赤貝壽司：口感好爽彈，而且好鮮甜
-北寄貝壽司：輕輕火炙過，帶少少焦香
-沙甸魚壽司：加入咗蔥花去辟走沙甸魚原有嘅腥味，亦做到提鮮效果
-拖羅壽司：迷人嘅粉紅色，油脂分佈平均，入口軟嫩，油香四溢
-海鰻壽司：海鰻燒得好香身，個醬汁都唔錯
-海膽壽司：大大件海膽入口即融，細滑creamy
-吞拿魚小卷：赤身魚味香濃，而且有3件夠晒飽肚
「Shen」 $1680 (原價$1980)
而另一款嘅omakase就有成19品料理咁多，而且食材更加高級。食omakase其中一個樂趣就係可以睇住師傅即席用心製作料理，用唔同嘅食材互相配搭做出各式各樣嘅味道同口感變化。師傅亦都會有為客人介紹每一道料理嘅食材同精髓。除咗同「花」一樣嘅前菜、刺身、季節料理、壽司、吸物同甜品，仲換咗/多咗下面幾款：
沙甸魚卷
以沙甸魚刺身卷住醃蘿蔔、紫蘇葉等材料，食落口感味道層次豐富。
鰆魚刺身
冬天正正係食鰆魚嘅最佳季節，師傅將魚身輕輕火炙，再加上蘿蔔蓉，肉質爽實有質感，魚味重有濃厚肉香。
天婦羅
天婦羅有蝦、南瓜、茄子、無花果同青椒，炸粉夠薄亦夠脆身，可以點少少岩鹽或者天婦羅汁食，簡簡單單已經好好食。
金目鯛壽司
火炙金目鯛刺身面頭撒咗d烏魚子粉，食落帶一份甘香，肉質幼嫩，魚味香濃。
三文魚子壽司
大大粒晶瑩剔透嘅三文魚子喺口腔入面爆發，鮮味十足。
蔥吞拿魚腩手卷
吞拿魚腩油香十足，加咗蔥去提鮮，幼滑綿密嘅口感夠哂滋味。
兩個餐食飽店員再送上一碗麵豉湯，入面加入咗大量螄蚶去煮，飲落係濃郁嘅海鮮味，好鮮甜。
食完壽司仲有玉子燒食，呢度嘅玉子燒非常特別，食落去好似布甸咁嘅口感，蛋香味重。
最後當然唔少得甜品，有靜岡士多啤梨同哈密瓜，當時得令，夠哂清甜。
晚市omakase仲有二人同行，一人半價嘅優惠，可以話係高質得黎性價比又高。
。
。
鮨盛 (尖沙咀)
尖沙咀廣東道122-126號中港中心11樓
。
。
Post
