孖寶去骨海南雞 (又新街)

Open Now

Now Closed

之前網上有投票，又新街呢間海南雞飯係排名香港頭三甲，難得路過就買返屋企試吓。午市外賣準備速度都幾快，買海南雞飯有老火湯送，中式南瓜湯好濃非常入味，而且足料係湯入面仲係有餸嘅，值得加分。飲完湯到另外加嘅油菜，正常發揮，後來發現原來本身都有芽菜係海南雞下面，早知就唔洗加多個油菜。冇骨海南雞整得啱啱好，雞肉好滑而且新鮮，飯量都幾多，值得一提個飯算乾身唔會好油，幾啱一般香港人口味。餐廳提供左三包醬油俾大家點，我覺得三種都好夾。總括而言，我好少食海南雞飯所以唔識比較，但50蚊左右有咁嘅質素算係唔錯！另外我亦留意到午市價錢係平夜晚少少嘅，大家都可以留意番。