港原味 (Moved) New Location

今日放假便去大角咀試一試新餐廳，見到有一間外邊都乾淨又企理，望落去都幾舒適，便入去一試 ，我和友人都分別叫了三個小菜，第一個是黑松露焗雞扒長通粉， 食落去松露味好香，份量十足 ，長通粉都不會太過軟淋淋， 芝士味亦都好香，另外一個是紅燒豆腐，食落去好滑身，質地唔會太硬， 中間亦都有少少肉碎，好香 入面仲有啲欖角等配菜，食落去增加好多口感 ，送飯一流，第三個是叫特色小菜，叫是咁的三色蛋， 餸菜一上嚟，我都比較驚喜，而三色蛋分別有三樣嘢 ，第一是豬肉粉絲蒸蛋，第二是皮蛋蒸蛋，第三是蝦蒸蛋，三種蛋雖然做法都差不多，但食落去每一種都有不同既感覺，豬肉粉絲蒸蛋入面有粉絲， 本身用豬肉放蛋感覺上會比較粗身，但由於放咗粉絲中和返，食落去都感覺幾好，其次是皮蛋蒸蛋 ，本身皮蛋質地係比較硬身，蒸蛋是比較滑， 用皮蛋配落去蒸蛋嘅話感覺比較特別，而兩種味道本應該係比較不同，佢廚師又可以用合埋一齊，而感覺又幾特別， 呢樣值得一讚， 最後是蝦蒸蛋，可以用蝦嘅鮮味運落去蒸蛋度感覺一流，既有海鮮味又有蛋既好滑感覺， 附近嘅食家，如果你嗰邊住都可以多啲嘗試