Video
Read full review
2011-01-20
16 views
由佢十一月開張到現在為止, 已經食咗4 次...本人最鍾意食, 由其是日本菜式. 多次去日本食好食嘅拉麵同烏冬, 本人最愛, 東京有"一蘭", " 博多天神 ", 大阪有" 一風堂" (而家係六本木都開咗), " 神座"...聽到豚王個師傅係"一蘭"出嚟, 當然要去試試....本人第一次食赤王, 男友食豚王. 佢嘅麵質係本人最愛(本人鍾意食直哩種拉麵), 軟硬度適中. 赤王個辣好搶, 鍾意飲湯都係叫豚王好d. 個半熟玉子好好食, 必叫. 第二次食黑王, 本人一向好鍾意食墨汁所做嘅所有菜式, 佢都好好食. 但都係覺得豚王個湯底好飲d. 男友碗豚王湯比我食晒...第三次食豚王, 哩次係最失望, 個湯底"傑"到太濃(我只係叫普通), 食落去覺得好"濟", 個湯又唔夠熱又好油...食完仲有d反胃...最近比多次機會佢, 都係叫豚王. 今次好番d, 個湯底無上次噉"傑", 又夠熱. 可惜佢話日本"禽流感"所以唔賣雞蛋, 無半熟玉子.綜合多次經驗, 我覺得佢個湯底係好好, 但有時太濃太油, 好似日本嘅"山頭火"噉個湯底好濃食到人好濟, 一d都唔享受. 但佢同"一蘭"一樣碗碗都有少少辣I like
本人最鍾意食, 由其是日本菜式. 多次去日本食好食嘅拉麵同烏冬, 本人最愛, 東京有"一蘭", " 博多天神 ", 大阪有" 一風堂" (而家係六本木都開咗), " 神座"...
聽到豚王個師傅係"一蘭"出嚟, 當然要去試試....
本人第一次食赤王, 男友食豚王. 佢嘅麵質係本人最愛(本人鍾意食直哩種拉麵), 軟硬度適中. 赤王個辣好搶, 鍾意飲湯都係叫豚王好d. 個半熟玉子好好食, 必叫.
第二次食黑王, 本人一向好鍾意食墨汁所做嘅所有菜式, 佢都好好食. 但都係覺得豚王個湯底好飲d. 男友碗豚王湯比我食晒...
第三次食豚王, 哩次係最失望, 個湯底"傑"到太濃(我只係叫普通), 食落去覺得好"濟", 個湯又唔夠熱又好油...食完仲有d反胃...
最近比多次機會佢, 都係叫豚王. 今次好番d, 個湯底無上次噉"傑", 又夠熱. 可惜佢話日本"禽流感"所以唔賣雞蛋, 無半熟玉子.
綜合多次經驗, 我覺得佢個湯底係好好, 但有時太濃太油, 好似日本嘅"山頭火"噉個湯底好濃食到人好濟, 一d都唔享受. 但佢同"一蘭"一樣碗碗都有少少辣I like it. 蔥方面如果可以好似日本噉可以選白蔥同青蔥仲好, 仲有唔明佢哋連雞蛋都要用日本貨, 但點解蔥唔用呢? 哩點有d不足. 木耳cut得太粗,
服務可以叫ok, 我同佢哋反映個點解唔加d企枱, 可以疏導下d人流, 又唔阻街? 佢話驚d港人接受唔到, 如果你要我企係條街到等坐位或企係度食, 我寧願企係度食囉. 問佢點解唔派飛比人等位? 等d人唔駛企係度虛度光陰. 佢話派飛難控制人數喎...我真係唔明,全香港d食市都係噉做, 點會控制唔到. 我覺得佢想d人企係度做勢多d....
你問我好唔好食, 好食. 但比起日本d仲差少少. 去唔到日本係香港止住咳可以食佢...但要我自己去排2個鍾隊食我唔會囉 (都係叫工人排). 但佢比起其他d九流香港拉麵, 佢已經係十分有心之作.
Post