沐白小農 (Closed)

終於試到台灣過江龍嚟到香港嘅沐白小農。店面雖然唔大，但入面都有幾個座位可以坐低慢慢歎，仲有幅白磚牆同彩虹凳比你打卡，環境都唔錯架😀大甲芋頭鮮奶($30)加芋圓($6) 呢個係沐白小農嘅主打飲品，芋頭味好濃郁，加埋優質嘅鮮奶，簡直絕配！雖然芋頭好香甜，但唔會過甜啱啱好，所以唔會膩到令你覺得唔想飲。芋頭鮮奶加埋芋圓就一定係perfect match 喇！芋圓好煙靭好好味，飲完好滿足！🤤至於黑糖波霸鮮奶($30)就係沐白另一樣主打嘅飲品。黑糖波霸鮮奶而家周圍都飲到，但要做到好似沐白咁唔會過甜，而珍珠軟硬程度啱啱好就好少見。啲珍珠煮好即刻放入杯入面，攞上手仲係辣手嘅，撞上冰凍嘅鮮奶，嗰種冷熱交錯嘅感覺好正。另外值得一讚嘅係佢份量好足👍🏼 冰量啱啱好，唔似得其他店咁，飲完發現完來有半杯都係冰嚟🤨伯爵茶紅茶珍珠拿鐵($32) 有唔少人都好怕飲鮮奶茶，因為好多時鮮奶茶嘅奶味同茶味都冇奶精奶茶咁重🤪但呢度個鮮奶茶味道唔錯，伯爵茶底個佛手柑味好出，好香，完全冇晒之前嘅憂慮。 雖然叫咗少甜但都略甜，不嗜甜嘅朋友就記得要考慮下半糖或微糖。至於珍珠都好煙靭，但始終唔夠黑糖波霸咁好食🙈