Video
Read full review
2019-05-20
241 views
Thanksful week去完sogo血拼之後去左對面金百利搵食~見到呢間日式餐廳叫築地~就試下係咪同日本築地d野一樣咁新鮮好味。Menu有一人餐同二人餐選擇，但因為唔想俾二人餐局限左選擇，於是都係決定散嗌~叫左兩個主食，一客壽司同一個小食~青龍呢條青龍係以4件用海膽、吉列蝦、青瓜作為材料而成既卷物~$50一份本身我以為係好細舊，點知黎到原來份量都唔細喎!幾抵食!青龍上面既海膽好鮮甜~食得到新鮮既味道，一d腥味都冇!入面既吉列蝦唔會太油膩，仲keep到脆口，成件一啖食落去好有咬口，點埋wasabi同豉油食仲正!炸軟殼蟹天婦羅上檯熱辣辣~但唔會油淋淋。試過其他餐廳既炸軟殼蟹一食落口成口油，可幸呢度既炸軟殼蟹冇呢個問題，外層炸粉夠薄而軟殼蟹好有肉地~每咬一啖都啖啖肉，好脆口好鮮味!唔駛點汁都咁好味~點左汁就咸咸地別有一番風味。黑蒜油豬軟骨拉麵黑蒜油湯底濃郁，一上檯已香噴噴~豬軟骨兩大舊半躺係拉麵上~份量係非常大件，超級厚身!師傅將豬軟骨煮得軟稔而且入味!食左一舊都已經夠飽!而拉麵都唔會被湯浸到林哂，亦算彈牙!推介用匙羹筆起d湯同麵一齊食，將湯汁同麵一齊係口腔度嘴嚼~食完成個口都有果種濃郁
Menu有一人餐同二人餐選擇，但因為唔想俾二人餐局限左選擇，於是都係決定散嗌~叫左兩個主食，一客壽司同一個小食~
青龍
呢條青龍係以4件用海膽、吉列蝦、青瓜作為材料而成既卷物~$50一份本身我以為係好細舊，點知黎到原來份量都唔細喎!幾抵食!青龍上面既海膽好鮮甜~食得到新鮮既味道，一d腥味都冇!入面既吉列蝦唔會太油膩，仲keep到脆口，成件一啖食落去好有咬口，點埋wasabi同豉油食仲正!
青龍
7 views
0 likes
0 comments
炸軟殼蟹天婦羅
上檯熱辣辣~但唔會油淋淋。試過其他餐廳既炸軟殼蟹一食落口成口油，可幸呢度既炸軟殼蟹冇呢個問題，外層炸粉夠薄而軟殼蟹好有肉地~每咬一啖都啖啖肉，好脆口好鮮味!唔駛點汁都咁好味~點左汁就咸咸地別有一番風味。
炸軟殼蟹天婦羅
10 views
0 likes
0 comments
黑蒜油豬軟骨拉麵
黑蒜油湯底濃郁，一上檯已香噴噴~豬軟骨兩大舊半躺係拉麵上~份量係非常大件，超級厚身!師傅將豬軟骨煮得軟稔而且入味!食左一舊都已經夠飽!而拉麵都唔會被湯浸到林哂，亦算彈牙!推介用匙羹筆起d湯同麵一齊食，將湯汁同麵一齊係口腔度嘴嚼~食完成個口都有果種濃郁既餘味!
黑蒜油豬軟骨拉麵
12 views
0 likes
0 comments
和牛釜飯
落單時侍應已提醒需時25分鐘製作，果然呢個飯係最後先上~不過等待既時間亦算值得~上檯既時候係原爐上，入面有和牛粒、蒟蒻粒，仲有食到少黑松露味同牛油味，奉上時連木飯勺一齊上檯，感覺好似自己煮飯咁好得意~一路撈一路食，D飯KEEP住個溫度，唔會怕擺凍~食到最後仲有飯焦，超級香~
和牛釜飯
10 views
0 likes
0 comments
最後埋單313蚊，店員吸左個印仔話下次黎食可減$31，咁就好似有9折優惠咁~呢個宣傳策略唔錯!真係引到我~應該好快再黎食多次~
Post
