Little Fresh Cafe & Bar

Open Now

Now Closed

上網見到好多人介紹，同時又係本地餐廳。所以就決定去消費一下，為香港經盡一分力。 是日餐湯係洋蔥湯配蒜蓉法包，蒜蓉法包仲可以保持到暖暖地。咬落都幾鬆脆仲幾夠蒜蓉味，反而洋蔥湯清清地，可以中和一下口腔既蒜味。 我地當日叫左個Today Special，係法式香煎鯛魚秘製醬汁，魚肉煎到好香口，外層魚皮好脆而魚肉又好厚，煎過後，魚肉保持鮮嫩，肉質好滑仲好結實，但一點都唔會鞋口。配有西蘭花，小番茄，薯蓉作配菜。忌廉汁唔會過厚，薄薄一層Creamy好香好滑。加上小小食用花做配襯，更加色香味俱全。 田園沙律，醬汁酸酸地都幾開胃。 牛肝菌汁南非鮑魚仔意大利吞，雲意大利雲係吞芝士嘅餡，入面仲有入味彈牙既南非鮑魚仔。有多種層次同口感。用高湯一齊煮過後好綿滑。