Video
Read full review
2024-06-19
593 views
未試過有間冰室可以咁差，侍應服務態度極度差，環境極度差，去係要預咗會整到成身污糟晒！星期日打算去呢間食個快嘅，係門口排咗陣都未執好位就叫你入去，但企係唯一勁窄嘅出入口等。等個陣已經睇住個客話落錯單，個待應反問個客”嚟錯呢個有冇問題你係咪唔想食呢個先？” 之後已經睇住佢執枱倒瀉野落位差啲整到個客而且個位都唔抹！搞咗一輪終於落咗單，上野飲個下唔係放係枱，係 「 拋 」落張枱係「 拋 」係「 拋 」🤯！！！拋完直接轉身直接成杯直接倒瀉，兩個人由衫、褲、袋、襪到對鞋都係比杯野淋濕哂！整污糟晒仲要搞到染哂色，仲要對鞋唔可以用水洗。個侍應係0反應，係隔離枱個客比紙巾我地抹。好彩個杯係凍飲，如果係熱飲咁淋法一定燙傷！態度又差落單又錯，連上野飲都係淋個客點做樓面？？？個收銀 (老闆娘?)同侍應清場之後繼續當冇事發生咁，唔會諗住問下你有冇事睇下情況點，完全唔覺得自己有問題，唔講以為我自己倒瀉野。我係黎食野架，唔係過嚟比你淋濕哂取消成日行程，仲要整到成身污糟晒仲要有漬洗唔到！咁嘅態度，咁嘅處理手法簡直不知所謂！！！已經唔講咩賠唔賠償，比個侍應咁倒杯野導致嘅後果要計有排計，而且不閒不問整到個客關心下都冇，更
未試過有間冰室可以咁差，侍應服務態度極度差，環境極度差，去係要預咗會整到成身污糟晒！
星期日打算去呢間食個快嘅，係門口排咗陣都未執好位就叫你入去，但企係唯一勁窄嘅出入口等。等個陣已經睇住個客話落錯單，個待應反問個客”嚟錯呢個有冇問題你係咪唔想食呢個先？” 之後已經睇住佢執枱倒瀉野落位差啲整到個客而且個位都唔抹！
搞咗一輪終於落咗單，上野飲個下唔係放係枱，係 「 拋 」落張枱係「 拋 」係「 拋 」🤯！！！拋完直接轉身直接成杯直接倒瀉，兩個人由衫、褲、袋、襪到對鞋都係比杯野淋濕哂！整污糟晒仲要搞到染哂色，仲要對鞋唔可以用水洗。個侍應係0反應，係隔離枱個客比紙巾我地抹。好彩個杯係凍飲，如果係熱飲咁淋法一定燙傷！態度又差落單又錯，連上野飲都係淋個客點做樓面？？？個收銀 (老闆娘?)同侍應清場之後繼續當冇事發生咁，唔會諗住問下你有冇事睇下情況點，完全唔覺得自己有問題，唔講以為我自己倒瀉野。
我係黎食野架，唔係過嚟比你淋濕哂取消成日行程，仲要整到成身污糟晒仲要有漬洗唔到！咁嘅態度，咁嘅處理手法簡直不知所謂！！！已經唔講咩賠唔賠償，比個侍應咁倒杯野導致嘅後果要計有排計，而且不閒不問整到個客關心下都冇，更加唔相信會有啲咩補償。第一見啲咁垃圾嘅冰廳，真係”說好香港”。
Post